Liberiya ibtidai sinif təhsilindən məhrum olan uşaqların sayına görə dünya ölkələri siyahısında birinci yerdədir.
"Eurasia Diary" BMT-nin bu gün yaydığı hesabata əsasən bildirir ki, Liberiyada yaşayan uşaqların üçdə ikisi ibtidai təhsildən məhrumdur.
Afrikanın münaqişə gedən ölkələrində, Cənubi Sudan və Eritreya daxil olmaqla uşaqların 59 faizi ibtidai sinif təhsilindən məhrumdur.
YUNİSEF bildirib ki, Cənubi Sudanda uşaq əsgərlərin işə cəlb edilməsi Şərqi Afrika ölkələrində olan vəziyyəti daha da pisləşdirir.
BMT-nin nümayəndəsi qeyd edib ki, məktəbdə təhsil almaq böhran vəziyyətində olan ölkələr üçün həyati əhəmiyyət daşıyır. “Uşaqlar öz icmalarını gələcəkdə idarə etmək üçün lazımi bacarıqların öyrədilməsi ilə təmin edilməlidirlər. Məktəbdə təhsil almaq müharibə şəraitində yaşayan uşaqları mümkün travmalardan qoruyur. Sinif təhsili uşaqları stressdən, zorakılığın şahidi olmaqdan yayındırır”.
Qərbi Afrika ölkəsi olan Liberiyada 2003-cü ildən gedən vətəndaş müharibəsi, ebola virusunun yayılması səbəbindən məktəblərini bağlamağa məcbur oldu.
10 ölkədə 18 milyon uşaq ibtidai təhsildən məhrumdur. Dünya üzrə 61 milyon ibtidai təhsil yaşında olan uşağın üçdə biri təhsildən məhrumdur.
YUNİSEF-in hesabatına əsasən, ibtidai təhsildən məhrum olan uşaqların sayına görə ilk 10 yeri tutan ölkələrin siyahısı belədir:
1. Liberiya - 62 faiz
2. Cənubi Sudan - 59 faiz
3. Eritreya - 59 faiz
4. Əfqanıstan - 46 faiz
5. Sudan - 45 faiz
6. Cibuti - 43 faiz
7. Ekvatorial Qvineya - 42 faiz
8. Niger - 38 faiz
9. Mali - 36 faiz
10. Nigeriya - 34 faiz
