Böyük Britaniyanın Baş naziri Kir Starmer Mavrikiya ilə Çaqos arxipelaqını ona təhvil vermək üçün müqavilə imzalayacaq.

 “EDnews” xəbər verir ki, Baş nazir cümə axşamı, mayın 22-də Mavritaniya hökumətinin nümayəndələri ilə virtual imzalanma mərasimində iştirak edəcək. Britaniya uzaq, lakin strateji əhəmiyyətli adalar çoxluğu üzərində suverenlikdən imtina etməklə yanaşı, hərbi bazadan istifadəyə görə Mavrikiyə ümumilikdə təxminən 9 milyard funt sterlinq (12 milyard dollar) ödəyəcək.

Ölkələr arasında razılaşma 2024-cü ilin oktyabrında əldə olunub. Qərar krallığın müxalif Mühafizəkarlar Partiyası tərəfindən tənqid olunub. Partiya rəhbərliyi hesab edir ki, Mavrikiyanın Çinlə sıx əlaqələri Dieqo-Qarsiya adasındakı britaniyalı hərbçilərin təhlükəsizliyini təhdid edir.

Çaqos adaları Hind okeanında 60-dan çox tropik adadan ibarət yeddi atolldan ibarət arxipelaqdır. 1965-ci ildə ölkə hələ Britaniya koloniyası olanda Mavrikiyadan ayrılıb. London onu 3 milyon funt-sterlinqə alıb və özünün xaricdəki ərazisi elan edib.

Mavrikiya Britaniyanı arxipelaqı qeyri-qanuni müstəmləkə işğalında ittiham edərək, onun müstəqillik müqabilində adalara olan hüquqlarından qeyri-qanuni şəkildə imtinaya məcbur olduğunu iddia edib.

Fatimə Mərdanlı //EDnews