ABŞ prezidenti Donald Trampın keçid komandası Barak Obamanın təyin etdiyi bütün səfirləri istefaya göndərmək qərarı verib.
"Eurasia Diary" “The New York Times” qəzetinə istinadla xəbər verir ki, səfirlərin geri çağırılmasına səbəb kimi isə onların təyinatının siyasi motivasiyalı olmasıdır.
Qərar Obama ilə sıx əlaqəsinə görə vəzifə almış səfirləri əhatə edəcək. Diplomatlar öz vəzifələrini 20 yanvaradək tərk etməlidirlər. Beləliklə ABŞ-ın xaricdəki səfirlikləri bir neçə ay səfirsiz qala bilər. Bu ölkələrdən Çexiya, Belçika və Yeni Zelandiyanın adı çəkilir.
Adətən hökumətlər dəyişəndə səfirlərin bir hissəsi öz vəzifələrini tərk edirlər. Uzun müddətdən sonra ilk dəfədir ki, diplomatlara fasilə verilməyəcək və onlar istefa verərək ABŞ-a qayıtmalı olacaq.
