Nikol Paşinyan Azərbaycanı tənqid etməklə özünün qeyri-ciddi siyasətçi olduğunu sübut edir - Anastasiya Lavrina | Eurasia Diary - ednews.net

17 Noyabr, Şənbə


Nikol Paşinyan Azərbaycanı tənqid etməklə özünün qeyri-ciddi siyasətçi olduğunu sübut edir - Anastasiya Lavrina

Müsahibə A- A A+

Nikol Paşinyan Azərbaycanı tənqid etməklə özünün qeyri-ciddi siyasətçi olduğunu sübut edir.

Oktyabrın 11-də İrəvan şəhərində Beynəlxalq Frankofoniya Təşkilatının (BFT) 17-ci zirvə toplantısı başlayıb. Toplantıda Ermənistanın baş naziri Nikol Paşinyan və xanımı Anna Hakobyan iştirak ediblər. Zirvə toplantısının açılışında Paşinyan Dağlıq Qarabağ separatçıları ilə dialoqa başlamağı rədd etdiyi üçün Azərbaycanı qınamaqla provokativ çıxış etdi.

Paşinyan Ermənistanda nəyə ümid edir və onun populist lakin məntiqsiz çıxışlarından gözləntiniz nədir?

Beynəlxalq Avrasiya Mətbuat Fondunun (BAMF) prezident köməkçisi Anastasiya Lavrina bu məsələ ilə bağlı fikirlərini Eurasia Diary ilə bölüşüb. O, hesab edir ki, çox az insan Paşinyana etimad göstərir və yeganə günahkar isə özüdür.

"Ermənistanın hazırkı baş naziri küçələrdən öz ölkəsinin parlaq gələcəyinə ümid bəsləyən insanların dəstəyi ilə hakimiyyətə gəlib. Lakin Paşinyan hakimiyyəti dövründə ölkədəki mövcud çətin iqtisadi və siyasi vəziyyəti daha da gərginləşdirməyə, xarici siyasətin pozulmasına və Ermənistan-Azərbaycan arasında Dağlıq Qarabağ münaqişəsinin sülh yolu ilə həll olunmasına dair danışıqları dayandırmağa nail olmuşdur".

Hal-hazırda Ermənistan çətin bir dövrdə mübarizə aparır və Paşinyanın mövqeyi çox təhlükəlidir. O, hələ də ona güvənən  kütləyə ümid edə bilər. Hazırkı vəziyyətdə öz mövqeyini başa düşən Ermənistanın baş naziri Qarabağ üzrə danışıqları gecikdirməyə çalışır, ancaq o, anlamır ki bu ölkəni ziyana aparır ", - deyə Anastasiya Lavrina bildirib.

BMT Baş Assambleyasının 73-cü zirvə toplantısında Paşinyan Azərbaycanın Dağlıq Qarabağ separatçıları ilə dialoq aparmaqdan imtina etdiyini bildirib. Həmin sözləri o, Frankofoniyanın 17-ci zirvə toplantısının açılış mərasimində də qeyd edib. "Dialoqdan imtina və gücdən istifadə Dağlı Qarabağ əhalisinə fiziki təhlükə yaradır", Paşinyan söyləyib.

Eurasia Diary-ə danışan Anastasiya Lavrina Azərbaycana ünvanlanan ittihamlarla əlaqədar bəyanatlara cavab verərək, bu hərəkətlərin Ermənistanın baş nazirini qeyri-ciddi şəxs və siyasətçi kimi ortaya qoyduğunu qeyd edib.

Belə bəyanatlarla danışan Paşinyan özü nə haqqında danışdığını anlayırmı? Paşinyan bu cür bəyanatların nə mənaya gəldiyini dərk edirmi?

Xatırladaq ki, 17-ci sammitin mövzusu: "Frankofon regionunda sülh və rifah üçün təməl kimi həmrəylik, humanitar dəyərlər və müxtəlifliyə hörmət etmək" idi. Azərbaycanın qonşu dövlətinin ərazisinin 20% -ni işğal edən ölkənin baş naziri hansı növ humanitar dəyərlərə malikdir? Demək olar ki, 30 ildir ki, insanlar öz yurdlarına qayıda bilmirlər. Eyni zamanda, Ermənistan Silahlı Qüvvələri daima təmas xəttində atəşkəsi pozurlar.

Bütün vaxtlarda azərbaycanlılar Ermənistandan və Azərbaycanın işğal olunmuş ərazilərindən zorla deportasiya ediliblər. Bu gün Ermənistan Qarabağa Suriyadan qaçqın düşmüş insanları köçürməkdə davam edir, bu da beynəlxalq hüquqa tamamilə zidddir. Elə isə Paşinyan Qarabağda hansı insanlar haqqında danışır?", - deyə Anastasiya Lavrina söyləyib.

Lanita Qənbərova

Eurasia Diary

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...


loading...