16-17 fevral 2019-cu il tarixlərində AYAFE Gənclər Təşkilatının təşkilatçılığı və Beynəlxalq Avrasiya Mətbuat Fondunun dəstəyi ilə "Sosial layihələrin yazılışı və idarəçiliyi" layihəsi baş tutdu.
Layihənin ilk günündə, Beynəlxalq Avrasiya Mətbuat Fondunun sədri Umud Mirzəyevin çıxışı ilə açılış mərasimi baş tutub. Daha sonra təlimçi İsmixan Süleymanlının təqdimatına sosial layihələrin yazılması, həmçinin sosial layihələrin idarəedilməsi üzrə təlimlər təşkil olundu. Sonda iştirakçılar praktiki bacarıqlar əldə etmək məqsədilə layihələrin üzərində işləmək üçün komandalara bölündülər.
Layihənin ikinci günündə isə komandalar hazırladıqları layihələri təqdim etdilər və ən yaxşı layihənin müəyyən edilməsi üçün komandalar arasında səsvermə həyata keçirildi.
Qeyd etmək lazımdır ki, bu layihə gənclər arasında sosial layihələrin yazılması və idarəedilməsi bacarıqlarının yayılmasına şərait yaratdı. Layihə iştirakçıları qeyd etdilər ki, onlar layihə çərçivəsində hazırlladıqları və təqdim etdikləri layihələrin üzərində gələcəkdə də işləyərək onları təkmilləşdirəcəklər.