Səudiyyə Ərəbistanına gözlənilməz dəstək - “Nə olur-olsun onun yanındayıq” | Eurasia Diary - ednews.net

20 Noyabr, Çərşənbə axşamı


Səudiyyə Ərəbistanına gözlənilməz dəstək - “Nə olur-olsun onun yanındayıq”

Dünya A- A A+

Səudiyyə Ərəbistanı dövlət səviyyəsində məşhur jurnalist Camal Qaşıqçının İstanbuldakı konsulluqda öldürüldüyünü etiraf etməsindən sonra bir sıra ölkələr onunla əlaqələrinə yenidən baxır. Ərəb ölkələrinin mövqeyi isə maraq doğurur.

Eurasia Diary teleqraf.com-a istinadən xəbər verir ki, artıq ərəb dövlətləri Səudiyyə Ərəbistanını dəstəklədiyini bəyan edir.

Fələstin dövlət başçısı Mahmud Abbas: “Kral Salman və şahzadə Məhəmməd bin Salmana tam inanırıq. Fələstin Səudiyyə Ərəbistanının yanındadır və bu mövqeyini davam etdirəcək”.

Birləşmiş Ərəb Əmirlikləri: “Səudiyyə Ərəbistanının aşağılayan cəhdlər bunu edənlər üçün qorxunc nəticələr yaradacaq”.

Livan baş naziri Saad Həriri: “Səudiyyə Ərəbistanını hədəfə alanlar bölgədə sabitliyə təhdid yaradır və regionu daha pis nöqtəyə sürükləyirlər”.

Misir: “Bunun Səudiyyə Ərəbistanına qarşı siyasi məqsədlərlə istifadə edilməsinə qarşıyıq. Səudiyyə Ərəbistanın yanındayıq. Şəffaf araşdırmaya tərəfdarıq”.

İordaniya: “Səudiyyə Ərəbistanı bölgədə və dünyada təhlükəsizlik, sabitlik və sülh yaratmaqda, iqtisadi işbirliyi sahəsində lider rolunu oynayır. İordaniya dedi-qodulara qarşı Kral Salmanın yanındadır”.

Küveyt: “Qaşıqçı məsələsi ilə əlaqədar Səudiyyə Ərəbistanına istiqamətlənən ittihamlara və həmlələrə qarşıyıq”.

Bəhreyn: “Məqsəd həqiqətləri ortaya çıxarmaq deyil, Səudiyyə Ərəbistanına ləkə atmaqdır. Bədənimiz və ruhumuzla Kralın yanındayıq”.

Ərəb dünyasında istisna mövqe ifadə edən yeganə ölkə isə Qətər Əmirliyidir.

Qətərin qurduğu Əl-Cəzirə telekanalı Qaşıqçı ilə bağlı hadisədə əsl həqiqətin ortaya çıxması üçün cəhdlər göstərib.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...


loading...