Azərbaycanın xarici işlər naziri Elmar Məmmədyarov Rusiya xarici işlər naziri Sergey Lavrovla Qarabağ münaqişəsinin nizama salınması prosesini müzakirə etməl üçün Moskvaya səfər edib. Yerli media bu səfərin azərbaycanlı jurnalistin Lavrova verdiyi sualdan sonra baş verən hadisələrlə bağlı olduğunu vurğulayır. Azərbaycanlı politoloq İlqar Vəlizadə Azərbaycanın xarici işlər nazirinin Moskvaya səfərinin Lavrovun məbuat konfransında olan hadisə ilə mümkün əlaqəsini inkar etməyib.
"Mən Azərbaycan xarici işlər nazirinin Moskvaya səfərinin Azərbaycan və Ermənistan Xarici İşlər Nazirliyi arasında baş verən son gərginlik, münaqişə tərəflərinin hərbi ritorikasının güclənməsi və Lavrovun mətbuat konfransında xoşagəlməz açıqlamanın olması ilə sürətləndiyini istisna etmirəm” - politoloq belə deyib.
Amma o eyni zamanda qeyd edib ki, səfər hələ dekabrda planlaşdırılırdı, ona görə də son hadisə iş prosesində üstün mövqedə olmayacaq. Əsas məqsəd - konkret nəticələrlə danışıqların substantive, yəni baza sxeminə qayıdışdır.
"Məhz danışıq prosesinin səmərəsizliyi yeni münaqişəli vəziyyətin yaranmasını qaçılmaz edir, amma danışıqlarda obyektivlik, ümid, gərginliyin azaldılması münaqişənin bütün tərəflərini imkan daxilində məsələnin həllinə fikir yönəltməyə imkan verəcək", - İlqar Vəlizadə fikrini yekunlaşdırıb.
Xatırladaq ki, Moskvada Rusiya xarici işlər naziri Sergey Lavrovun mətbuat konfransı zamanı azərbaycanlı jurnalist Anar Həsənov nazirə sual verib: "Azərbaycan tərəfinin antiterror əməliyyatlarına başlayacağı və işğal olunmuş əraziləri işğalçılardan təmizləyəcəyi təqdirdə Moskva necə hərəkət edəcək: buna göz yumacaq, yoxsa Azərbaycanın daxili işlərinə qarışacaq? ”
Lavrovun cavabı isə gözlənilməz olub: "Dağlıq Qarabağ ərazisində güc əməliyyatlarının və döyüş hərəkətlərinin keçirilməsi Azərbaycanın daxili işi deyil”. Bundan sonra müxbirin iki ölkə arasında münasibətlərə xələl yetirən sual verdiyi ittihamı ilə işdən çıxarıldığı barədə məlumat yayılıb.