Bu gün Azərbaycanın dəyərli ziyalılarından, müəllimlərindən və jurnalistlərindən biri olan Cahangir Məmmədlinin 75 yaşı tamam olur. Müəllim ona görə dedim ki, Azərbaycanda jurnalistika fakültəsində təhsil alan tələbələrin əksəriyyətinin formalaşmasında, söz sahibi olmasında Cahangir müəllimin seminarlarının, mühazirələrinin, elmi-metodik vasitələrinin rolu böyük olub. Cahangir Məmmədlinin bu günkü şad günündə ən yaxın dostları ilə əlaqə saxladıq. Cahangir müəllim üçün bir surpriz hazırladıq.
İlk növbədə Cahangir müəllimin sevimli tələbələrindən biri olan Azərbaycanın tanınmış jurnalisti, aparıcı mətbu orqanlarından biri olan “Şərq” qəzetinin təsisçisi və baş redaktoru Akif Aşırlıdan müəllimi haqqında təəssüratlarını bölüşürük. Azərbaycan Mediasının digər tanınmış simaları da bizə Cahangir Məmmədli haqqında fikirlərini bildiriblər.
“Şərq” qəzetinin təsisçisi və baş redaktoru Akif Aşırlı:
.jpg)
“Cahangir müəllim Azərbaycan jurnalistlərinin müəllimidir. Bu gün peşəkar jurnalist heyətini təftiş etsək, görərik ki, bilavasitə Cahangir müəllim dərs deyib, onların jurnalist kimi formalaşmasına, püxtələşməsinə, cəmiyyətdə yer tutmasına Cahangir müəllimin çox böyük dəstəyi olubdur. O, eyni zamanda həm də mənim müəllimimdir. Cahangir Məmmədlidə mükəmməl bir müəllim obrazı var. O, həm Azərbaycan jurnalistikasının nəzəriyyəsi ilə məşğul olub, həm də praktiki işlə məşğul olan çox azsaylı peşəkarlardan, müəllimlərimizdən biridir. İşiqlı bir insandır, həm də gənclərə yol göstərən, istiqamət verən onların qarşısına düşüb müəyyən qapıları döyən, yolaçan bir şəxsiyyətdir. Hesab edirəm ki, Cahangir Məmmədli Azərbaycan jurnalistikasına öz töhvələrini verəcək, bundan sonra da yeni nəsil jurnalistikasının formalaşmasında çox aktiv və fəal şəkildə iştirak edəcəkdir. Tanrıdan ona can sağlığı arzu edirəm, sözü kəsərli olsun. Cəmiyyətdə barış ovqatının yaradılması üçün onun kimi şəxsiyyətlərə, insanlara həmişə ehtiyac var. Barış ruhlu bir insandır o ruhu daşıdığı üçün ona təşəkkür edirəm. Bir daha təbrik edirəm.”
Azərbaycan Mətbuat Şurasının sədri Əflatun Amaşov:
“Cahangir müəliimin Azərbaycan jurnalisikasının inkişafında, yeni kadrların hazırlanmasında xidməti çox böyükdür. Nəzəri baxımdan cox yaxşı müəllim olmaqla yanaşı yaxşı yoldaşdır, dostdur. Onunla fövqəladə münasibətimiz var. Yaxşı ailə başçısıdır, övladlarını sevir, tələbələrini övladları kimi sevir, yoldaşlarını sevir, onların uğurlarına sevinir. Ailəsinə bağlı insandır. Onun həyat yoldaşı vəfat edib və istəyi ilə Ağdamda dəfn edilib. Hər dəfə onu bayramlarda ad günündə ziyarət edir, Ağdama gedir. Bunların hamısı onun necə insan olmağına bariz nümunədir.”
“525-ci qəzet”in baş redaktoru Rəşad Məcid:
“Son olaraq Cahangir müəllimlə Qubada təlimdə olduq. Havanın qarlı, şaxtalı olmasına baxmayaraq o gənc ruhu ilə buradadır və Jurnalistikamızın problemləri barədə danışır. Gənclik enerjisi ilə o jurnalistikanı öyrənmək istəyənləri öyrətməyə hazırdır . Səmimi insandır, dostluğa sadiq, öz əqidəsinə sadiq insandir. Biz ondan həmişə nümunə götürürük. Ona can sağlığı, xoş ovqat arzulayıram.”
Azərbaycan alimi, Milli Elmlər Akademiyasının Folklor İnstitutunun direktoru, İctimai Televiziya və Radio Yayımları Şurasının üzvü Muxtar İmanov:
“Cahangir müəllimi jurnalistika sahəsinin dərin bilicisi, ziyalısı kimi mən əvvəldən tanıyırdım. Onu yazılarından tanıyırdım. Bəzi tədbirlərdə görmüşdüm. Naxçıvanda müdafiə işinə qulaq asmışdım və s. Daha çox onu İctimai Yayım Şurasının sədri olanda onunla daha çox ünsiyyətdə olduq, müzakirələr apardıq, mübahisələrə qoşulduq, əksər hallarda 90 faiz mövqeyimiz üst-üstə düşdü. Onun hadisələrə münasibəti çoxumuzdan fəqlidir. Dövlətçi adamdır. Dövlətçilik düçüncəsi ilə yaşayan insandır. Hadisələrə dövlətçilik düşüncəsi prizmasından baxan bir ziyalıdır və xırda məsələlərin üstündən yuxarıya qalxmağı bacaran bir ziyalıdır. Təbiəti etibarilə insanpərvər, ziyalını düşünən insandır, humanizm, təbiətindəki yumşaqlıq, vətənpərvərlik həmişə diqqəti cəlb edib. Bir üstün cəhəti də var ki, ürəyi genişdir. Baxmayaraq ki, müəllimdir, universitetdə işləri çoxdur, ictimai görüşləri çoxdur, dostları ilə bağlı dəyərli çıxışlar edir, onların yaradıcılığını izləyir. Öz tələbələrini çox istəyir, özünün yetişdirdiyi tələbələrə qayğıyla yanaşır. Ziyalılara çox önəm verir, iki daşın arasında olsa belə, kömək lazım olsa, onu əsirgəmir. Ad gününü təbrik edirəm, can sağlığı, uğurlar, ailə səadəti, yaradıcılıq uğurları arzulayıram. Ömrü buz baltası kimi möhkəm olsun. Canı sağlam olsun, böyük ilhamla yazsın yaratsın, biz də ona baxıb ilham alaq.”
Əməkdar jurnalist Flora Xəlilzadə:
“Böyük məhəbbət və qürurla söyləmişəm ki, baxın, hansı tələbə müəlliminə "dədə”, müəllimi də ona "nənə” deyir? Sizin sadəliyiniz, mehribanlığınız, səmimiyyətiniz həmişə tələbələrinizlə aranızda bu cür mənəvi körpünü qura bilib. Bu qış ömrünüzün 75-ci pilləsinə qədəm qoyursunuz. siz bütün zamanlarda öz mərdliyinizi saxlaya bildiniz. Qəlbiniz yaxşılıq və nəcib hisslərlə doludur. Həmişə özünüz oldunuz! Dəyişmədiniz. Şöhrət sizə yaxınlaşdı, siz onun ardınca getmədiniz. Siz bütün tələbələrin məhəbbətini qazandınız.
Beynəlxalq Avrasiya Mətbuat Fondunun sədri Umud Mirzəyev:
"Cahangir Məmmədlinin adı Azərbaycan camiəsində bir şəxsiyyət kimi qəbul olunur. Mən onunla tanışlığımın tarixçəsinin vaxtını deyə bilmərəm. Mənə elə gəlir ki, onu ən gənc yaşlarımdan tanıyıram. O qədər doğma insanlardan biridir ki, insan onunla tanışlığının tarixçəsini danışa bilmir. Cahangir müəllimlə görüşlərin hamısı hər bir insan üçün xatirəyə çevrilir. Hər dəfə onunla görüşdükdən sonra yenidən görüşmək haqqında düşünürsən, telefonla danışanda da yeni bir enerji, yeni aura alırsan. Bu mənada Cahangir Məmmədli ziyalılarımız arasında özünəməxsus yeri olan insanlardan birirdir. Jurnalistikanın
Biz də böyük Beynəlxalq Avrasiya Mətbuat Fondu ailəsi və Eurasia Diary analitik informasiya portalının kollektivi adından dəyərli müəllim Cahangir Məmmədlini 75 yaşı münasibəti ilə təbrik edir, ona can sağlığı və uzun ömür arzu edirik. Qələmi kəskin, sözü iti, ürəyi isə həmişə olduğu kimi böyük olsun!
Vüsalə Əlövsətqızı, Eurasia Diary
