Dövlət Dumasının yeni qəbul olunmuş qanununa əsasən KİV artıq xarici-agentlik kimi təsnif olunacaq.
Artıq Rusiya da xarici KİV-lərdən ABŞ-da RT və Sputnik məlumat agentliyindən tələb olunduğu kimi “xarici agentlər” kimi qeydiyyatdan keçməsini tələb edəcək.
Eyni zamanda, "Vahid Rusiya" fraksiyasının rəhbəri Sergey Neverov çərşənbə günü bildirib ki, yeni qanun Rusiyanın KİV-lərinə tətbiq olunmayacaq.
Rusiya parlamentinin alt palatasının sədr müavini Peter Tolstoy bildirib ki, xarici agentlər kimi hansı nəşrlərin qeydiyyata alınacağını Rusiyanın Ədliyyə Nazirliyi tərəfindən müəyyənləşdirəcək.
Bu qanunu şərh etmək üçün Eurasia Diary Rusiya ekspertlərinə müraciət edib.
Rusiyalı politoloq, Müasir dövlət inkişafı institutunun direktoru Dmitriy Salonnikov deyib ki, bu addım iki məqsəd daşıyır.
“İlk növbədə, bu qanun ABŞ-ın Russia Today və Sputnik məlumat mərkəzləri ilə bağlı görülmüş tədbirlərə qarşı cavab olaraq verilib. Hazırda ABŞ-da 400-ə yaxın KİV xarici agent kimi qeydiyyatdan keçib. Nə üçün bu cür tədbirlər ABŞ-da fəaliyyət göstərən Avropa və ərəb dövlətlərinin, İsrail və eləcə də, digər ölkələrin mətbuat mərkəzlərinə münasibətdə görülməsin?
Bu nöqteyi-nəzərdən, Rusiya qanunvericiliyin apardığı fəaliyyət daha dürüstdür, belə ki, bu qanun yalnız Amerika KİV-lərinə qarşı deyil, bütün xarici KİV-lərə aid edilir.
Həmçinin, bu qanunun 2018-ci il prezident seçkiləri ərəfəsində qəbul edilməsi də önəm kəsb edir. Belə ki, Rusiya qanunverici orqanının əsas məqsədi yerli siyasi məsələləri xarici medianın müdaxiləsindən qorumaqdır.”
İnnovativ İnkişaf İnstitutunda Strateji Təhlil Mərkəzinin direktoru Andrey İvanovun fikrincə, qanun tamamilə düzgündür belə ki, mətbuat cəmiyyətin zehniyyətinə böyük təsir göstərir.
“Bir ölkədə baş verən hadisələrin digər bir ölkənin maraqlarına uyğun nümayış olunması düzgün deyil. Bir müddət öncə, Con Makkeyn Rusiyaya aid xəbərlərin yayılmasını qadağan edilməsilə bağlı qanunu Konqresin müzakirəsinə təqdim etdi. Biz bu cür qanunlar qəbul etmək fikrində deyilik, ancaq oxucular nəzərə almalıdır ki, bu xarici mətbuatın nəşridir və burada ölkəmizin maraqlarını əks etdirməyən xəbərlər ola bilər. Məsələn, “Kitay” jurnalı xarici media olduğunu gizlətmir, hətta bizim ölkəmizin maraq və fikirlərinə əks olan xəbərləri də dərc edir. ABŞ mətbuat mərkəzlərinin Rusiyada bu qaydada fəaliyyət aparmaq istəmədiyi şübhə doğurur. Bəlkə onların nəyisə gizlətmək fikirləri var?
Ancaq, bu qaydaların Rusiya-ABŞ münasibətlərinə təsir edəcəyini düşünmürəm”.