"Mən Qələbə Gününü qeyd etmək üçün və azərbaycanlıların Böyük Vətən müharibəsi veteranlarını xatırlayaraq dəyər verdiklərini şəxsən görmək üçün Bakıya gəlmişəm".

Bu barədə Eurasia Diary-ə "Cənubi Rusiyanın analitikası" Youtube kanalının müstəqil jurnalisti, "Rusiya Jurnalistlər Birliyi" mükafatının laureatı, beynəlxalq münaqişələr üzrə ekspert Yevgeniy Mixaylov "9 May Qələbə Günü"nün qeyd olunması ilə əlaqədar Azərbaycana səfəri zamanı bildirib.

Rusiyalı jurnalist Azərbaycanda faşizm üzərində qələbənin geniş miqyasda qeyd olunduğunu vurğulayıb. "Mən Azərbaycan Prezidenti İlham Əliyevin veteranları necə təbrik etdiyini gördüm. Bundan əlavə, Böyük Vətən müharibəsinə həsr olunmuş digər tədbirlər də keçirildi. Məsələn, Bakı Beynəlxalq Multikulturalizm Mərkəzində Azərbaycan xalqının faşist Almaniyası üzərində qələbə çalınmasında rolu barədə danışılıb.

O, həmçinin, Azərbaycanın ümumi qələbəyə verdiyi töhfəni qeyd edib. "Çox sayda azərbaycanlı həlak olub. Taqanrokda ümumi vətənimizin sərhədlərini faşist Almaniyasından qoruyan bir neçə Azərbaycan dviziyası vardı. Xüsusən, Berlinə gedən tankları təmin edən yanacağın 80% -ni verən Azərbaycana məxsus neft ehtiyatları qeyd etmək lazımdır.

Yevgeniy Mixaylov iki ölkə arasındakı qardaşlıq duyğusunun o illərdə olduğu kimi yenidən bərpa edilməsini arzuladı. "Mən dövlətlərin birləşməsindən deyil, dövlət münasibətlərinin normal inkişafı üçün qəbuledilməz olan müasir dəyərlərdən danışıram. Əminəm ki, Rusiya ilə Azərbaycan arasında əməkdaşlığı daha da möhkəmləndirmək olar. Hansısa liberalizm, demokratiya təbliğ olunur, amma bu, xalqlarımıza lazım olan deyil. Digər dəyərlər, məsələn, ailə dəyərləri üzərində inkişaf etmək lazımdır.

Natalya Quliyeva