Karles Puçdemon 2016-2017-ci illərdə Kataloniya Geniralitet-nin prezidenti, 2017-ci il 25 dekabr tarixindən İspaniya rəhbərlyi tərəfindən vəzifəsindən azad olunub. Buna baxmıyaraq o hal-hazırda özünü Kataloniyanın prezidenti sayır, mübarizəyə davamda əzm və iradə nümayiş etdirir.
İspaniyanın əhalisinin 16 % -i, iqtisadiyyatının isə 20 %-i Kataloniyanın payına düşür. Bu isə investorların hesabına başa gəlmişdir. Tarixə nəzər salsaq, Kataloniya ilk dəfə 1871-ci ildə İspaniya Krallığının tərkibindən çıxmaq istəyib, lakin Krallıq danışıqlar yoluyla azadlıq istəyinin qarşısı alıb. 1979-cu ildə Kataloiyaya İspaniyanın tərkibində muxtariyyat verildi və rəsmi dil kimi katalon dili qəbul olundu. Bu vaxta kimi Kataloniyada keçirilmiş qeyri-rəsmi sorğu və referendumların nəticəsi göstərir ki, katalonlar İspaniyadan ayrılmaq istəyirlər.
Sonuncu və həm İspaniya, həm də Kataloniya üçün siyasi qalmaqala səbəb olan 2017-ci il oktyabr ayında keçirilən səsvermədə əhalinin 80,08 % səs çoxluğuyla Kataloniyanın azadlığı dəstəklənsə də Kataloniya üçün bu legitim və leqal olsa da, İspaniya hakimiyyəti bu referendumu qəbul etmir və qeyri qanuni hesab edi. Belə ki, İspaniyanın Konstitusiya Məhkəməsi 31 oktyabrda 162.2-ci maddəyə əsasən Kataloniya müstəqillik aktının ləğvinə dair hökm verib. Eyni zamanda, bu hərəkata rəhbərlik edən Karles Puçdemonun həbsinə dair qərar verdi və o alman polisi tərəfindən həbs edildi. Almaniyada Puçdemonu dəstəkliyənlər dəfələrlə etiraz aksiyaları keçirmiş və onun həm azadlığa buraxılmasını tələb etmiş və başçılıq etdiyi azadlıq hərəkatını dəstəkləmişlər. Bir müddət sonra zamin altında şərti olaraq azadlığa buraxıldı.
Karles Puçdemon ixtisasca jurnalistdir və pr-a (public relation- ictimaiyyətlə əlaqələr burada siyasi texnologiyalar və ya reklam) dair bilikləri çox dərindir. İxtisas artımını Qərb ölkələrində keçib. Eyni zamanda uzun illər Kataloniyada rəhbər vəzifələrdə çalışmış, öz həmyerlilərinin milli mənlik, etnik, siyasi şüur və istəklərini çox yaxşı bilir, yəni Karles Puçdemon katalon seçicilərin tələbatına uyğun imic yaradıb və qalib gəlməsi labüddür. Lakin əsas məqamı nəzərə almaq lazımdır ki, Kataloniyanın müstəqil respublika elan etmək və dövlət çevrilişi kimi cəhdlərinin qarşısı alınacaq. İspaniya və Kataloniya bir-birindən asılı dövlət strukturlarıdır. İqtisadi potensial baxımından əgər Kataloniyada hər hansı siyasi böhran səngiməzsə investorların konfliktli ərazilərdə işbirliyinin davam etməsi qətiyyən mümkün deyil, iqtisadiyyatının əksər faizi investorlardan asılı olduğu halda bu siyasi böhran Kataloniya üçün yararlı olmaz. Digər tərəfdən, Karles Puçdemonun ətrafında baş verən siyasi hadisələr açıq-aydın göstərir ki, Qərb siyasəti birmənalı olaraq İspaniya hakimiyyətini dəstəkləyir. Frans-Press agentliyinə müsahibə verən Avropa Komissiyasının baş katibi Aleksandr Vinterşteyn müsahibəsində: “Kataloniya məsələsi ilə bağlı biz bütün səviyyələrdə öz mövqeyimizi bildirmişik və öz fikrimizdən dönən deyilik” və əlavə edərək ”Regional seçkilərlə bağlı bizim şərhimiz yoxdur”. Digər mənbələrdə isə Kataloniyanın Müstəqilliyinin elan olunması tanınmır və separatçı rejim adlanır.
Kübra Rəhimova, Qərbi Kaspi Universitetinin Tətbiqi Politologiya Mərkəzinin eksperti