BMT Təhlükəsizlik Şurası ABŞ-ın İrana qarşı sanksiya tələbini rədd edib.
ABŞ, İranla Beynəlxalq qüvvələr arasında “razılaşmanın yerinə yetirilmədiyi təqdirdə sanksiyaların yenidən tətbiq edilməsini" nəzərdə tutan nüvə anlaşmasının bərpasını istəyib.
TŞ-nın müvəqqəti sədri, BMT-nin İndoneziyadakı daimi nümayəndəsi Dian Trianşah Jani, Şuranın 15 üzvündən biri olan Dominikan Respublikasının tələbi ilə əlaqədar Rusiya və Çinin mövqeyi ilə bağlı verdiyi açıqlamada, ABŞ-ın 2015-ci ildə imzalanan nüvə anlaşmasından imtina etməsi səbəbindən digər ölkələr belə bir mexanizmin işə salınmasını qanunsuz elan ediblər.
Eurasia Diary rus tarixçi, İran və Yaxın Şərq üzrə ekspert İqor Pankratenko ilə söhbət zamanı Təhlükəsizlik Şurasında sanksiyaların qaldırılmasını müzakirə edib. Qeyd edək ki, dörd gün əvvəl Təhlükəsizlik Şurası bunu rədd edəcəyini söyləmişdi. Prezident seçkilərindən öncə ABŞ-ın bu addımını necə izah etmək olar? ABŞ belə bir qərarın veriləcəyini gözləyirdimi?
İqor Pankratenkonun sözlərinə görə, ABŞ-ın belə bir nəticəni gözləməsi mümkün idi, çünki əks halda Dövlət Departamentində İran üzrə xüsusi nümayəndənin daha təcrübəli və sərt mövqeyə malik bir diplomatla əvəzlənməsini izah etmək çətin olardı.
“Vaşinqton, Avropadakı və müttəfiqləri arasındakı İran əleyhinə əhval-ruhiyyəni düzgün qiymətləndirməyib, onların gözündə “İran təhdidi” beynəlxalq gündəmin ən aktual mövzusu deyil. Bu, ABŞ xarici siyasətinə güclü bir zərbədir, amma ölümcül deyil. Amerikalılar indi bu vəziyyətdən çıxış yolu axtaracaqlar”, deyə ekspert əlavə edib.
Eurasia Diary xəbər verir ki, Tramp yenidən prezident seçiləcəyi təqdirdə İranla razılaşacağını söyləyib.
Pankratenko bu məsələ ilə əlaqədar olaraq Trampın İrana, İran neftinin müəyyən miqdarda ixracına tətbiq olunan sanksiyaların bir hissəsini ləğv etməsini təklif edə biləcəyini dedi. Bu, İranın dialoqa girməsi üçün kifayət edəcək, çünki bu, çox vacib bir məsələdir.
Düşünürəm ki, İran üçün təkliflərin mətni artıq Vaşinqtonda hazırlanıb.
“Bayden seçilərsə, "Birgə Hərtərəfli Fəaliyyət Planı"na qayıdış ehtimalı azdır. Çox azdır. Nə də olsa, anti-İran əhval-ruhiyyəsi Trampın şıltaqlığı deyil, Amerika elitasında və onun Yaxın Şərqdəki müttəfiqlərində yaranmış bir konsensusdur. Bayden bunun öhdəsindən gələ bilməyəcək”, deyə İqor Pankratenko bildirib.
Gülnar Səlimova
