Tədris ilinin başlanğıcı çox yaxındadır, lakin normal rejimə qayıtmaq infeksiyanın artması riskinə səbəb ola bilər, buna görə də tələbələr tədris prosesini qismən onlayn davam etdirməli olacaqlar. "Kasperski laboratoriyası”nın rəsmi nümayəndəsi Müşviq Məmmədov Eurasia Diary-yə danışarkən onlayn təhsillə bağlı öz tövsiyələrini verib.
Onun sözlərinə görə, ötən tədris ilinin sonunda uşaqlar və onların valideynləri bir qeyri-müəyyənlik və tamamilə yeni öyrənmə şərtləri ilə qarşılaşdılar. Tədris ilinin başlanğıcı çox güman ki, yenidən məsafəli rejimdə təşkil ediləcək, buna görə psixoloqlar adi gündəlik məktəbli qaydalarına riayət etməyi, məsələn, dərslərin başlamasından ən az bir saat əvvəl uşağı oyatmağı məsləhət görürlər. Valideynlər üçün məktəblilərin distant təhsilində iştirak etmək və uşaqların cihazlara sərf etdikləri vaxtı yeni reallıqlara uyğun şəkildə tənzimləmək vacibdir. Distant təhsilin digər aspektlərinə də diqqət yetirmək vacibdir - prosesi kiber təhlükəsizlik baxımından necə təşkil etmək lazımdır. Təlimin aparıldığı cihaza bütün lazımi proqramların quraşdırıldığından əmin olun.
"Pandemiyanın meydana gəlməsi ilə ortaya çıxan şərtlər uşaqların İnternetdəki davranışlarını dəyişdirdi və distant təhsilin öz xüsusiyyətlərinə malik olduğunu göstərdi. Buna görə də, təhsilin keyfiyyətində minimal itkilərlə belə bir sınaqdan keçməyə hazır olmalısınız. Ən əsası isə bu vəziyyətdə valideynlər və müəllimlər kiber təhlükəsizlik tədbirlərinə xüsusi diqqət yetirməlidirlər", deyə "Kasperski laboratoriyası”nın rəsmi nümayəndəsi Müşviq Məmmədov fikrini tamamlayıb.