"Saakaşvilinin dəstəyi təkbaşına hökumət qurmağa kifayət etmir" - Ekspert | Eurasia Diary - ednews.net

29 Oktyabr, Cümə axşamı


"Saakaşvilinin dəstəyi təkbaşına hökumət qurmağa kifayət etmir" - Ekspert

Analitika A- A A+

Gürcü politoloq Gela Vasadze Eurasia Diary ilə müsahibədə yeni baş nazir postunun Gürcüstanın xarici əlaqələrindəki təsirini, Azərbaycan tərəfi ilə münasibətlərdə narahatlıq doğuran namizədlər, eyni zamanda Mixeil Saakaşvilininin namizədliyi ilə bağlı suallara cavab verib.

Politoloq Baş nazir postunun Gürcüstanda xarici əlaqələrə təsirinin qiymətləndirilməsindən danışarkən qeyd edib:

“Baş nazir ölkənin əsas simasıdır və əlbətdə ki, xarici siyasəti təsir edir. İndiki baş nazirə gəldikdə, keçmişinə görə Alman və Rusiya ilə çox yaxşı əlaqələri var, baxmayaraq ki, sonuncunun reklam olunmadığı açıqdır. Ancaq son sözü həmişə olduğu kimi Bidzina İvanişvili deyir. Əgər hakimiyyət dəyişməsə kimin baş nazir olması önəmli deyil, ancaq dəyişsə müxtəlif variantlar ola bilər. Düşünürəm ki, koalisiya hökuməti dövründə yalnız sadəcə baş nazir deyil, Xarici İşlər Nazirliyinin başçısı və digər nazirlər də əhəmiyyətli olacaq”.

Politoloq həm də hansı namizədlərin Azərbaycanla münasibətlərə müsbət və ya mənfi təsir edə biləcəyindən də danışıb. Eyni zamanda o, Zurabişvilinin dövründə münasibətlərin gərginliyi və prezidentin roluna da toxunub.

“Zurabişvili simvolik fiqurdur, onun sözlərinə çox da diqqət yetirilməməlidir. Bəli, həmin dövr bizim münasibətlərimizdə çox ağır oldu, gürcü hakimiyyətində olduğu kimi azərbaycan hakimiyyətində də rus-meyilli qüvvələr daha da aktivləşdi. Lakin indi vəziyyət dəyişməyə başlayıb”.

Azərbaycanda Saakaşvili və onun partiyası çox sevilir, ekspert Saakaşvilinin xalq arasında dəstəyinə də nəzər yetirərək deyib:

“Müxtəlif mənbələrə görə, Saakaşvilinin partiyası seçicilərin 15-25 faizinin dəstəyinə malikdir. Təkbaşına hökumət qurmaq üçün bu kifayət deyil, ancaq hakimiyyət dəyişikliyi halında partiyası yeni koalisiyada aparıcı rol oynayacaq”.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...