Eurasia Diary erməni hüquq müdafiəçisi, siyasətçi Georqi Vanyanla müsahibəni təqdim edir.
“Nə qədər ki, Ermənistan və Azərbaycan fərqli dillərdə danışır və vasitəçilərin köməyi ilə əlaqə yaradır, şübhəsiz müharibə riski olacaq.
İkinci Qarabağ müharibəsi başlayana qədər, mən Azərbaycan və Ermənistan arasında müharibənin istisna olmadığını bir neçə dəfə bəyan etmişəm, lakin bir çox insanlar müharibənin qəfildən başlayacağına inanmırdılar. Əslində indi də vəziyyət heç də sakit deyil.
Siz Azərbaycan tərəfinə minalanmış ərazilərin xəritələrinin verilməsi ilə bağlı maraqlı sual verdiniz. İnanmaq istərdim ki, Ermənistan üçtərəfli anlaşma imzalandıqdan sonra minalanmış ərazilərin xəritələrini Rusiya tərəfinə verib, ancaq onların ünvanına – Azərbaycana çatıb-çatmadığını deyə bilmərəm. İnanmaq istərdim ki, çatıb, çünki Rusiyanın sülhməramlı kontingenti azərbaycanlılar və erməni, belə desək həmkarları ilə ərazilərin munalardan təmizlənməsi ilə məşğul olurlar, yəni güman etmək olar ki, bu xəritələr məhz Rusiya tərəfindədir, yoxsa onlar öz əsgərlərini təhlükə altında qoymazdılar.
Rusiya sülhməramlı kontingentinin Qarabağ ərazisində qalmasının müddəti barədə danışarkən deyə bilərəm ki, bu nə Azərbaycan, nə də Ermənistandan asılı deyil. Onların Qarabağda qalma müddəti barədə o vaxt dəqiq söz söyləmək mümkündür ki, Ermənistan və Azərbaycan danışıqları vasitəçilər olmadan, birbaşa aparsınlar.
1994-cü ildə dahi Heydər Əliyev konkret siyasi addım atdı. Soruşa bilərsiz, bu nə idi?
O zaman erməni tərəfi Rusiya sülhməramlı kontingentinin iştirakına razı olanda, dahi lider Heydər Əliyevin rəhbərlik etdiyi Azərbaycan tərəfi bundan imtina etdi. Bu siyasi addımın mənası nə idi? Bəli, məhz o demək idi ki, Azərbaycanın işğal edilmiş əraziləri erməni silahlı qüvvələrinin nəzarətində olsun, nəinki Azərbaycan və Ermənistan arasında əli silahlı adam dursun. Bu o demək idi ki, biz qonşuyuq və üçüncü tərəfin müdaxiləsi olmadan problemin həlli üçün vəziyyətin düzgün dərk edilməsi zamanı gələcək.
Ermənistanın gələcəyi ilə bağlı dəqiq deyə bilərəm ki, bu təkcə Ermənistandan asılı deyil. Ermənistan hazırda Rusiyanın nəzarətindədir və burada Rusiya olmadan heç nə etmək mümkün deyil. Ermənistan, həmçinin Azərbaycan və eləcə də Gürcüstandan asılıdır. Hər şey Azərbaycan-Ermənistan münasibətlərinin necə olacağından asılı olcaq”, deyə Georgi Vanyan fikirlərini bölüşdü.
Müsahibənin tam variantına buradan baxa bilərsiniz:
Cəmilə Çebotareva