Azərbaycan İrandan gələcək zərbədən diqqətli olmalıdır - Pakistanlı ekspert - ednews.net

27 Oktyabr, Çərşənbə

Azərbaycan İrandan gələcək zərbədən diqqətli olmalıdır - Pakistanlı ekspert

Analitika A- A A+

“Cənubi Qafqazda hərbi təlimlər və bu təlimlər ətrafından gedən siyasi proseslər artıq pik səviyyəsinə çatıb. Azərbaycan, Türkiyə və Pakistanın Xüsusi Təyinatlı Qüvvələrinin “Üç Qardaş -2021” adı altında təlimlər həyata keçirdiyi vaxtda İran yenidən Azərbaycanla sərhəd olan ərazilərdə öz hərbi qüvvələrini toplayıb. Tehranın Azərbaycanın yaxınlığında öz hərbi varlığını nümayiş etdiməyə başlaması birbaşa Bakıya siyasi mesajdır”. Bu sözləri EDNews.net-ə açıqlamasında Pakistanın Avrasiya tədqiqatları üzrə eksperti Mahmud Ul-Hasan Xan bildirib.

İran rejiminin Azərbaycana qarşı son fəaliyyətlərinə toxunan Ul-Hasan Xan qeyd edib ki, 44 günlük müharibə ərzində İran Azərbaycanın öz  qanuni ərazisinin - Qarabağın erməni işğalından azad edilməsinə doğru yönələn haqlı mövqeyini dəstəkləməyib:

"Qeyd edim ki, 2020-ci ildə də İran Azərbaycanla sərhəd ərazilərdə geniş miqyaslı hərbi təlimlər həyata keçirmişdi və bu təlimlərin məqsədi Azərbaycanın diqqətini azad edilmiş ərazilərin inkişafından və təhlükəsizliyinin təmin edilməsindən yayındırmaq idi. İran Ermənistanın uğur qazanması üçün dəstək verməklə bərabər hər zaman vəziyyətin gərginləşdirilməsinə çalışıb. 44 günlük müharibə ərzində İran Azərbaycanın siyasi, hərbi və diplomatik mübarizəsinə heç bir dəstək nümayiş etdirmədi”.

Pakistanlı ekspert onu da nəzərə çatdırıb ki, İran son 30 ildə Ermənistanın işğalı altında olan Azərbaycan ərazilərdən  qaçaqmalçılıq, çirkli pulların yuyulması, insan və narkotik alveri üçün istifadə edib.

"Ermənistan İranın qara bazara üçün əlverişli və etibarlı sığınacaqdır. Əvvəldən bəri İran Azərbaycanın maraqlarına qarşı gələrək Ermənistanı siyasi, iqtisadi və maliyyə cəhətdən dəstəkləyib”.

Azərbaycanı və Cənubi Qafqaz regionunu yaxından bilən Ul-Hasan Xan hesab edir ki,  İran və Ermənistan arasında sıx hərbi əməkdaşlıq, iqtisadi tərəfdaşlıq, siyasi və sosial əlaqələr və coğrafi yaxınlıq mövcuddur. İki dövlət arasında olan möhkəm əlaqələrdə qeyri-qanuni silah və narkotik alveri, insan alveri və çirkli pulların  yuyulması əsas yer tutur. Onun sözlərinə görə, hər iki tərəfin qaçaqmalçıların bir-biri ilə güclü bağlantıları var və hər ikisi də iqtisadi terror fəaliyyətinə cəlb olunublar.

"Hesab edirəm ki, Raisi hakimiyyətə gəldikdən sonra İran və Azərbaycan arasında ikitərəfli münasibətlər gərginləşib. Belə olan halda Azərbaycan İrandan gələcək zərbədən diqqətli olmalıdır. Azərbaycan sərhəd və təhlükəsizlik qüvvələri ayıq olmalı və Ermənistana aparılan hər cür silah, pul və ya maliyyə tədarükünü dayandırmalıdır. Azərbaycanın silahlı qüvvələri və xüsusən də Hərbi Hava Qüvvələri arxadan gələcək zərbəni nəzərə almalı və daha da əlavə tədbirlər görməlidir”, – deyə ekspert tamamlayıb.

Yunis Abdullayev

 

 

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...