NATO daxilində narazılıq artır - Bu ölkə qoşun göndərməyəcək - ednews.net

28 May, Şənbə

(+994 50) 229-39-11

NATO daxilində narazılıq artır - Bu ölkə qoşun göndərməyəcək

Analitika A- A A+

Ukrayna ətrafında baş verən gərginlik ABŞ və Qərbin media resursları tərəfindən məqsədyönlü şəkildə manipulyasiya edilərək müharibə fonunda ictimaiyyətə təqdim edilir. Aydın məsələdir ki, rəsmi Vaşinqton media resurslarından Kremlə qarşı təzyiq vasitəsi kimi istifadə edir. Bununla o Rusiyaya həm özünün, həm də Qərbin nə qədər qərarlı və israrlı olduğunu göstərmək istəyir.

ABŞ-dan fərqli olaraq hazırda NATO daxilində heç də bütün ölkələr Kremllə gərginlik yaşamaq istəmir. Hazırda Rusiya ilə iqtisadi-siyasi münasibətləri olan və dini-etnik baxımdan yaxın ölkələr var. Xüsusilə bu ölkələr mövcud vəziyyətdən narazıdır. Misal üçün Xorvatiya bu ölkələrdən biridir.

Xorvatiya Prezidenti Zoran Milanoviç Ukrayna ilə Rusiya arasında müharibə başlayacağı təqdirdə hansı addımların atılacağı ilə bağlı sualları cavablandırarkən deyib ki, mən Xorvatiya ordusunun baş komandanıyam və Ukrayna ilə Rusiya arasında münaqişənin gərginləşəcəyi təqdirdə alyansdan Xorvatiya ordusunun bütün üzvlərini çıxaracağam.

Prinsip etibarilə bu haqlı tələbdir. Gərginliyin günü-gündən artması və müharibə sferasına keçməsi hərkəs kimi Xorvatiyanı da narahat edir. Rəsmi Zaqreb hər şeydən əvvəl slavyan xalqdır və həm Ukrayna, həm də Rusiya ilə yaxındır. Mövcud vəziyyətdə tərəf tutmaq istəmədiyi kimi, NATO daxilində ehtimal müharibəyə qoşulmaq da istəmir. Lakin indiki halda Xorvatiyanın belə bir qərar verməsinin əsas səbəbi hesab edirəm həm də ABŞ ilə bağlıdır. Məsələ ondadır ki, rəsmi Vaşinqton iki ölkə arasında olan  gərginlikdə  birbaşa Ukraynaya dəstək vermir. Xatırladaq ki, ABŞ indiyə qədər  Ukraynaya qoşun göndərməyib. Bununla belə NATO-nu önə çəkərək Şərqi Avropada alyansın hərbi kontingentini artırır. Faktiki olaraq Ukrayna konfliktində NATO və Kreml üz-üzə gəlir. Bu vəziyyətdən isə ən çox zərər görəcək olan təbii ki, alyans üzvləridir.

Görünür Xarvatiya rəhbərliyi də  bunu anlayır və Vaşinqtonun müdaxilə etmək istəmədiyi bir məsələyə NATO adı altında qarışmaq iatəmir.

Milanoviçin “Qərarımız tamamilə Co Bayden rəhbərliyinin dinamikası və Amerikanın daxili siyasətindən asılıdır” sözləri də rəsmi Vaşinqtona açıq mesajdır. Yəni Bayden Ukraynaya qoşun göndərəcəksə NATO üzvləri də göndərəcək. Əks təqdirdə Xorvatiya və digər Avropa ölkələri ABŞ-ın istəyi ilə Ukraynada Rusiyaya qarşı döyüşməkdən bir-bir imtina edəcək.

Turan Rzayev

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...