Çarlz hələ şahzədə olduğu dövrdə taxtın başına keçəndən sonra siyasətə qarışmadan və müdaxilə etmədən hakimiyyətdə qalacağına dair insanlarda yaranan şübhələrə cavab verməli olmuşdu.
İndi Kral Çarlz siyasətçilərə heç vaxt etmədiyi qədər dəstək göstərir, dövlətlər arasında beynəlxalq əlaqələr qurmaqda mühüm rol oynayır.
Bazar ertəsi Kanadanın Baş naziri və Böyük Britaniya kralı II Çarlz körpü qurmaq və bu məsələdə ortaya çıxacaq olan problemləri aradan qaldırılması üçün birlikdə hərəkət etmələri ilə bağlı məsələdə bir araya gəliblər.
Keçən həftə isə Kral, Prezident Trampa ikinci dövlət səfəri üçün dəvət göndərdi. Bu dəvət, Böyük Britaniya Baş naziri Ser Keyr Starmer tərəfindən təqdim olundu və heç bir tərifdən çəkinməyərək, bunu “bənzərsiz” bir dostluq və hörmət əlaməti olaraq təqdim etdi.
Zelenski Trampla görüşündən sonra Çarzla da görüşdü. Çarlz isə aydın formada bildirdi ki, Ukraynanın dəstəyə ehtiyacı olacağı təqdirdə,ona dəstək göndərməyə hazırdır.
Bu dəstək, diplomatik balansı qorumaqda vacib amil ola bilərdi, çünki Böyük Britaniya hökuməti Ukraynaya dəstəyi gücləndirmək üçün Qərbin də özünə olan dəstəyini artırmağa çalışır, amma eyni zamanda Tramp administrasiyasını prosesdən uzaqlaşdırmaq istəmir, əksinə, onunla əlaqələri daha da gücləndirməyə çalışır.
Kral Çarlz və Keyr Starmerin birgə fəaliyyətlərini beynəlxalq əlaqələrin yaxşılaşmasında mühüm rol oynadı. Bəlkə də bu müttəfiqlik gələcəkdə ölkə daxilində böyük dəyişiklərin baş verməsini qaçınılmaz edəcəkdi.
Kral Çarlzın Prezident Zelenskini Sandrinqemdə bu qədər yaxşı qarşılaması əslində onun özünü Rusiyaya güclü göstərməsi üçün fürsət idi. Çünki, onlar üç il əvvəl Rusiyanın işğalına məruz qalmışdı,buna görə də Zelenskinin dəstəyi Çarlz üçün çox vacib idi.
Trampın dövlət səfərləri dövlətlər arasında diplomatik körpü yaradır, çünki Kral həm Tramp, həm də Zelenski ilə dost əlaqələrini saxlamaq istəyir.
Tramp, Kral Çarlza dövlət səfərində göstərdikləri diqqətə görə dərin təşəkkürlərini bildirib. Ümumiyyətlə belə səfərlər üçün dəvət monarxlar tərəfindən dövlət başçılarına göndərilir, orda kimlərin iştirak edəcəyinə isə hökumət qərar verir.
Kralın fərqli irqdən və düşüncədən olan insanlarla ünsiyyət qurmaq sahəsində böyük təcrübəsi var. O,insanlarla söhbət etməyi sevir, onlara özləri haqqında suallar verib daha yaxından tanımaq istəyir. O, həmçinin ABŞ-da dövlət başçısı olmuş liderlərin nəinki özlərini,hətta onlardan əvvəlki nəsillərini də tanıyır.
Kral Çarlz üçün Ukraynaya dəstək həm də emosional bağlılıq baxımından əhəmiyyətli rola malikdir. Məhz buna görə də açıq şəkildə, Ukraynaya olan dəstəyini xüsusi vurğulayır, hətta bəzi dövlətlərin Ukraynaya qarşı " aqressiyasını” qınayaraq onların bu hərəkətlərini tənqid edib.
Təəccüblü deyil ki, hələ işğal başlayan kimi kral Rumıniyaya gəlmiş Ukraynalı miqrantları ziyarət etdi. Daha sonra Çarlz Fransa və Almaniya ilə də əlaqələri möhkəmləndirdi və onları Ukraynanın yanında möhkəm durmağa, həmçinin demokratik dəyərlərə sahib çıxmağa çağırdı ki, bu da beynəlxalq ictimayyətin diqqətindən qaçmadı.
O, Böyük Britaniyada məskunlaşmış Ukrayna icmalarıyla dəfələrlə görüşlər keçirib, keçən ay yaralanan Ukrayna hərbçilərinə tibbi yardım göstərilməsi üçün planlaşdırılan layihəyə təkliflər planı hazırlatdırıb.
Bunu da qeyd etmək yerinə düşər ki, Kral Çarlz Böyük Britaniyanın dövlət başçısı olmaqla yanaşı, həm də Kanadanın dövlət başçısıdır .Bazar ertəsi o, Kanadanın Baş naziri Castin Trüdo ilə görüşərək ölkənin gələcək inkişafının necə daha yaxşı təmin edə biləcəkləri mövzusu ətrafında fikir mübadiləsi aparıblar.
Görüşdə müzakirə edilən məsələlər açıqlanmasa da,digər müzakirə olunmuş mövzuları təxmin etmək elə də çətin deyil.
"Hal-hazırda Kanada üçün əsas məsələ,bizim suverenliyimizi və müstəqilliyimizi qorumalı olduğumuz həqiqətidir. Buna nail olmaq üçün möhkəm dayanmalıyıq," -o bunu Trüdo ilə görüşdən əvvəl bildirib.
Kanada xeyli müddətdir ki, NATO-da müttəfiqi və cənub qonşusu olan ABŞ -də 51-ci ştata çevrilməsi tələbi ilə üz-üzədir. Bu da təbii olaraq, Kanadanı qəzəbləndirib.
Millətlər Birliyi Krallığının rəhbəri də olan Kral Çarlz ABŞ prezidentinin işğalçılıq iddialarına qarşı çıxıb.
Böyük Britaniya Krallığının rəhbəri Kral Çarlz Prezident Trampdan ölkəsini qorumaq, ABŞ’dan isə Böyük Britaniyaya dəstək göndərmələrini təmin etmək üçün istifadə edir.
Çarlz Kanadanın gənc hökümət başçısı Castin Trudo ilə də görüşdü. Bu görüşün isə bircə məqsədi var idi: Kanadanı Ukraynaya hərbi yardıma cəlb etmək.
Kim düşünərdi ki, üç ildən sonra o,ölkəsini ABŞ-dən qorumaq üçün hər hansısa dövlətin dəstəyinə ehtiyac duyacaq?
Müəllif: Şon Koflan
Mənbə: BBC
Azərbaycan Dilinə Tərcümə: Mədinə Məmmədova
