Medinskinin uğursuz müqayisəsi – niyə Ukraynanın işğal olunan əraziləri Qarabağ ola bilməz?

Analitika 14:13 10.06.2025

Rusiya prezidentinin köməkçisi, bu ölkənin Ukrayna ilə danışıqlarına rəhbərlik edən Vladimir Medinski yumşaq desək, təəccüb doğuran bəyanatla çıxış edib. O deyib ki, Rusiya ilə Ukrayna arasında sülh sazişi bağlanmadan sadəcə atəşkəs əldə olunsa və cəbhəboyu münaqişə dayandırılsa, bura Ermənistanla Azərbaycan arasında “Qarabağ kimi mübahisəli əraziyə çevriləcək”.

Maraqlıdır ki, Medinskinin təmsil etdiyi Rusiya dövləti Qarabağın 30 illik erməni işğalı zamanı belə, bu torpaqları mübahisəli ərazi adlandırmayıb. Rusiya işğalçı Ermənistana hərbi-siyasi yardımlarını əsirgəmədiyi dövrlərdə belə, bu ölkənin rəsmiləri Azərbaycanın ərazi bütövlüyünü tanıdıqlarını bəyan ediblər. Lakin 44 günlük Vətən müharibəsindən 5 il, antiterror əməliyyatından isə 2 ilə yaxın dövr ötdükdən sonra Rusiya prezidentinin köməkçisi ərazi bütövlüyünü tam bərpa edən Azərbaycanın Qarabağ regionunu nədənsə “mübahisəli ərazi” adlandırır. Özü də bunu işğal etdikləri Ukrayna əraziləri ilə müqayisə etməklə.

Bu müqayisəni Ukrayna rəsmiləri etsəydi, başadüşülən olardı. Əvvəla ona görə ki, onlar da Azərbaycan kimi işğala məruz qalan tərəfdir. İkincisi isə onlar heç vaxt nə Qarabağı, nə də özlərinin işğal altında olan ərazilərini mübahisəli adlandırmazdı.

O ki qaldı Rusiya prezidentinin köməkçisinin dediklərinə, təbii ki, Azərbaycan XİN-in Medinskiyə cavabı özünü çox gözlətmədi.

 
“Təəssüf ki, Rusiya Prezidentinin köməkçisi Rusiya Ukrayna müharibəsini Qarabağda mövcud olmuş vəziyyətlə müqayisə edir. Azərbaycan heç zaman heç bir ölkənin ərazi bütövlüyünü pozmadığına görə və heç bir ölkəyə qarşı aqressiv müharibə aparmadığına görə belə müqayisə yersizdir. Azərbaycan 2020-ci və 2023-cü illərdə öz suveren və beynəlxalq birlik tərəfindən tanınmış ərazilərində Vətən müharibəsi və antiterror tədbirləri həyata keçirib. 44 günlük Vətən müharibəsi və 1 gündən az olaraq davam etmiş 2023-cü il antiterror tədbirləri Azərbaycanın tam qələbəsi və Ermənistanın məğlubiyyəti ilə nəticələnib və beynəlxalq hüququn norma və prinsiplərinə uyğun olaraq Ermənistanın işğalına son qoyulub”, - deyə Azərbaycan Xarici İşlər Nazirliyinin mətbuat katibi Ayxan Hacızadə bəyan edib.

Bundan başqa, Azərbaycan XİN Medinskiyə tövsiyə edib ki, səlahiyyətinə aid olmayan məsələlərə dair yanlış iddialar səsləndirməsin.

Lakin iş də elə bundadır ki, öz səlahiyyətlərinə aid olmayan məsələlərə münasibət bildirmək Medinskinin köhnə adətidir. Rusiyanın keçmiş mədəniyyət naziri, hazırda prezidentin köməkçisi olan Medinski həmçinin “velikorus” şovinist təbliğatının atalarından biri sayılır. Bunu hazırda Rusiyanın Ukraynaya qarşı apardığı sistemli təhrif təbliğatında görmək olar. Ukraynanın dövlətçilik tarixinin olmaması, Lenin tərəfindən süni olaraq yaradılması tezisləri məhz həmin təbliğat maşınının istehsalıdır.

 Hamının gözəl bildiyi tarixi təhrif etmək Medinski və onun həmkarlarının iş prinsipidir. Məsələn, İkinci Dünya müharibəsinin nəticələrini Romanovlar dövründə olan Rusiya İmperiyasının sərhədlərinin ədalətli bərpası kimi təqdim etmək yalnız belə insanlara məxsus cəhətdir. SSRİ-də yaşayan xalqların, ABŞ, Böyük Britaniya kimi müttəfiqlərlə birlikdə faşist Almaniyası üzərində ümumi qələbənin nəticələrini belə təqdim etmək təbliğat maşınının yalan yaymaqda sərhədləri tanımadığını göstərir. Bundan başqa, 1939-cu ildə SSRİ-nin Finlandiyaya qarşı işğalçı müharibəsini ədalətin bərpa olunması, Molotov-Ribentrop paktı əsasında SSRİ qoşunlarının Polşanın ərazisinin bir hissəsini işğal etməsini azadlıq kimi təqdim etməsi və sair bu tipli kobud təhriflər Medinskinin tarixi faktlarla necə manipulyasiya etdiyinin göstəricisidir.

Rusiya rəsmilərinin və mətbuatının bu məsələ ilə bağlı Azərbaycanın cavabına reaksiyası isə özünəməxsus olub. Belə ki, Rusiyanın Lenta.ru media resursu Azərbaycan XİN-in bəyanatını işıqlandıraraq, bu ərazilərin Qarabağ regionu ilə müqayisəsinin düzgün olmadığını yazıb.

Rusiya XİN-in rəsmi nümayəndəsi Mariya Zaxarova isə Medinskinin sözlərinin konteksdən çıxarıldığını bildirib və guya onun bunu başqa mənada dediyini qeyd edib.

Mariya Zaxarovanın reaksiyasından belə anlamaq olar ki, Medinskinin sözləri onlar üçün əlavə başağrısı olub. Əgər həqiqətən də bunu başağrı kimi qəbul edirlərsə, ümid etmək olar ki, bu kimi uğursuz müqayisələr bir daha təkrarlanmayacaq.

Mənbə: "REPORT"

“Xatirələr işığında Heydər Əliyev” -in təqdimatı keçirildi

Xəbər xətti

Professor Nazim İmanov: Azərbaycan iqtisad elminin görkəmli siması
16:53 11.06.2025
"Los-Anceles sakinləri çox şanslıdırlar ki, onlara kömək etmək qərarına gəldim"
16:21 11.06.2025
Peru tariflərə görə ümidini Çinə bağlayır
15:42 11.06.2025
Fariz İsmayılzadə: "Bağçaların sayını artırmaq üçün tikinti standartlarına yenidən baxmalıyıq"
15:31 11.06.2025
Rusiya İrana nüvə yanacağını ölkədən çıxarmağa kömək edə bilər
15:04 11.06.2025
Arıqlamaq üçün bitki çayları içən gənc komaya düşüb
14:23 11.06.2025
18 ildə 700 bal toplayan 116 nəfərdən biri də AMEA-ya üz tutmayıb - Niyə?
14:19 11.06.2025
"ChatGPT" yeni modelini işə salır
13:57 11.06.2025
Rusiya diplomatı XİN-ə çağırıldı
13:18 11.06.2025
Leroy Sane "Qalatasaray"la razılığa gəldi
13:01 11.06.2025
Aİ-nin Rusiyadan idxal etdiyi neft və qazın həcmi açıqlandı
12:24 11.06.2025
Rusiya Ukraynaya 1 200-dən çox hərbçinin meyitini qaytarıb
12:21 11.06.2025
ABŞ "F-35" qırıcılarının alışını iki dəfə azaltdı
10:26 11.06.2025
“Türküstan”ın 19 yaşı tamam oldu
10:17 11.06.2025
Piramidaların altında nə var?
07:34 11.06.2025
Xarkova kütləvi hücum zamanı yaralananların sayı 50-ni keçib
07:16 11.06.2025
Kaliforniya Qubernatoru amerikalıları Trampa müqavimət göstərməyə çağırır
06:11 11.06.2025
Dünyanın ən uzunömürlü balinası aşkarlandı - 200 ildən çox yaşayır
02:10 11.06.2025
"Google" "Android 16"nın anonsunu verdi
01:12 11.06.2025
CAR-da daşqınlar nəticəsində yeddi nəfər ölüb
00:34 11.06.2025
"Dünya nüvə məhvinə heç vaxt olmadığı qədər yaxındır"
00:28 11.06.2025
Tramp vətəndaşları güc tətbiq edəcəyi ilə hədələyib
00:11 11.06.2025
Virts “Liverpul”a keçir
00:06 11.06.2025
ABŞ-Çin ticarət danışıqları yekunlaşıb
21:01 10.06.2025
Şof Aİ miqrasiya nəzarətini gücləndirməyə çağırır
20:48 10.06.2025
"İran üç həftə ərzində 10 nüvə başlığı istehsal etmək gücünə malikdir"
20:39 10.06.2025
"ABŞ-nin NATO üzrə müttəfiqləri Rusiyanı çəkindirməlidir"
19:55 10.06.2025
Türkiyədə "Coca-Cola"nın fəaliyyəti araşdırılır
18:18 10.06.2025
Azərbaycanın Baş naziri Özbəkistan Prezidenti ilə görüşüb
18:17 10.06.2025
"Osimhen “Qalatasaray”da qalmaq istəyir"
17:38 10.06.2025
Qvardiola Qəzza xalqına dəstək çağırışı etdi
17:24 10.06.2025
UEFA "Barselona"ya tətbiq olunan cərimənin məbləğini azaldacaq
16:03 10.06.2025
Azərbaycan XİN Avstriyaya başsağlığı verib
15:59 10.06.2025
İlham Əliyev Polşanın yeni seçilmiş Prezidentini təbrik edib
15:46 10.06.2025
Prezident İlham Əliyev Azərbaycanla Çin arasında viza rejiminin ləğvini təsdiqləyib
15:38 10.06.2025
Elektroenergetika sektorunda sabit tarif tətbiq olunacaq
14:59 10.06.2025
Niyə kapitalizimdən əl çəkə bilmirik?
14:56 10.06.2025
Azad edilmiş ərazilərdə daha 68 mina, 129 PHS aşkarlanıb
14:25 10.06.2025
Medinskinin uğursuz müqayisəsi – niyə Ukraynanın işğal olunan əraziləri Qarabağ ola bilməz?
14:13 10.06.2025
Jurnalistika və islamşünaslıq üzrə qabiliyyət imtahanlarının tarixi məlum oldu
13:19 10.06.2025
Hamısı