30 sentyabr-2 oktyabr 2016-cı ildə Berlində Beynəlxalq Sülh Bürosunun (İPİ) təşkilatçılığı ilə "Tərksilah olaq! Dünya İqlimi naminə" ümumdünya konqresi  keçirilir. Konfransın ilk günündə BMT-nin Cenevrə ofisinin baş direktoru Maykl Moller "Gələcək üçün Yol Xəritəsi" barədə fikirlərini bölüşüb. Mr.Moller əsasən sülhyaratma məsələlərindən danışıb.

"Bugünkü dəyişiklər daha mürəkkəbdir, belə ki, tez bir zamanda nəticə əldə edə bilmərik. Onlar sağlamlıq və iqlim baxımından təhlükəsiz deyillər. Buna  cavab olaraq biz qarşıdakı 5 il ərzində depressiv reallığı çərçivələrə salaraq BMT-yə üzv olan bütün dövlətlər tərəfindən qəbul etdirməyə çalışırıq".

O, çıxışında qeyd edib ki, müharibə günümüzdə ən böyük problemdir və hərbi xərclər dünya səviyyəsində günü-gündən artmaqdadır.

 “Biz tərksilah olunmaq üçün mübarizə aparmalıyıq. Dünyada hərbi xərclərin artması, ümumilikdə 2015-ci ildə 1.7 milyard ABŞ dolları təşkil edib. Bundan əlavə biz terrorizm,  yeni müdafiə sistemləri, qatil robotlarla üz-üzə dayanmışıq. Biz XXI əsrə silahsız texnika gətirmək üçün səylə çalışırıq”.