“Eurasia Diary”-nin 25 noyabr tarixli "Türkiyədə məzar daşı qoyulan erməni "qəhrəmanları" başlıqlı yazısından sonra hərəkətə keçən Türkiyənin Tunceli Valiliyi üzərində ASALA terrorçularının adının da yazıldığı abidəni sökəcəyini açıqlayıb.
Tuncelinin Nazımiye rayonunda inşa edilən və üzərində "Erməni soyqırımını lənətləyirik. Armenak Bakırcıyanı xatırlayırıq və Hrantı anırıq. 100-cü ildə Erməni soyqırımı davam edir" yazılan qondarma “Ermənii soyqırımı” abidəsinin sökülməsinə qərar verilib.
Belə ki, bizim xəbərimizdən sonra Türkiyə mediası da məsələyə biganə qalmayıb. Belə ki, 26 noyabr tarixində “Sözcü” qəzeti bununla bağlı xəbər yayıb və biabırçılığın Türkiyə gündəmində saxlanılmasında böyük rol oynayıb.
Xatırladaq ki, abidə 26 Aprel 2015 tarixində açılıb. Açılışda Yunanıstan və Fransadan erməni diasporunun nümayəndələri iştirak edib.
Məlumat üçün bildirək ki, 2007-ci ilin yanvar ayında öldürülmüş jurnalist Hrant Dinkin adının "qalxan" edildiyi abidə üzərində ASALA və PKK-lı terrorçulardan Armenak Bakırcıyan, Manuel Dəmir, Nubar Yanıkyan, Kevork Çavuş, Monte Melkonyan, Antranik Uzunyanın adları var.
“Eurasia Diary”-nin 25 noyabr tarixli "Türkiyədə məzar daşı qoyulan erməni "qəhrəmanları" başlıqlı yazısı ilə bu linkdən tanış ola bilərsiz.