Soçi görüşünün nəticəsi Rusiya və Ermənistan üçün sıfır olaraq dəyərləndirilir. Azərbaycan üçün isə Prezindet İlham Əliyevin dediyi kimi, “Qarabağ müharibəsi Azərbaycan üçün tarixə yazılıb və münaqişə 2 il öncə bitib” sözlərini ölkəmizin 1:0 xeyrinə kimi dəyərləndirmək olar.
Lakin bütün bunalara baxmayaraq Qarabağda gedən prosseslər uzanmaqda davam edir və bu proseslərin uzanmasında maraqlı olan dövlət bu prosesi status-kvoda saxlamaq niyyətindədir. Son hadisələrə baxdıqda Rusiya Ermənistanda, Xankəndidə hətta İranda gedən proseslərdə Qarabağdakı vəziyyəti öz xeyrinə nəticələnməsi ücün əlindən qələni əsirgəmir desək yanılmarıq.
Soçi görüşündəki Paşinyanın Rusiyanın istəyi ilə səsləndirdiyi təklif və istəkləri qəbul olunmadığını görən Rusiya bundan sora hansı addım atacağını hesablamağa başlayacaq.
Putin öz çıxışısında bunları dilə gətirdi: “hələki bir nəticə ala bilmədik, lakin bəzi addımlar sülh sazişi üçün atıldı”. Əslində bu çıxışı məyus vəziyyətdə dedi. Hansı sülh sazişindən danışılır? İki il ərzində Azərbaycandan başqa heş bir dövlət sazişə maraqlı deyil. Nə Rusiya, nə Ermənistan, nə də Qərb dövlətləri. Ermənistan günahı hər zamankı kimi Azərbaycanda görür, biz də real olaraq Ermənistanda və onun havadarlarında. Hesab edirəm ki, Rusiyanın burada başqa bir məqsədi var. Qarabağ məsələsini yenidən dondurmaq və bu vəziyyəti Donbassa bənzətmək.
Xankəndində gedən mitinqlərin, səslənən şüarlar, rus bayraqlarının dalğalanması, Putinin şəkillərinin havada yellədiləsinin arxasında duran məsələ Ermənistandan çox Rusiya üçündür. Çünki zamanında Donbass və Luqanskda gedən etiraz aksiyalarına bənzəyən Xankəndi olayları sonradan Rusiyaya birləşməsinə və pasportlarının əhalisinə verilməsinə gətirib çıxardı.
Rusiya anlayır ki, Azərbaycan Ukrayna deyil və Ukraynanın arxasında dayanan yalançı Qərb yox, real əməl sahibi olan Şuşa bəyənnaməsinə imza atan Türkiyə var. Həmən o Türkiyə ki, Rusiya onu itirməyi belə bir zamanda gözə ala bilməz. Bu gün dünyadan təcrid olunan Rusiya üzünü Cənubi Qafqaza tutmaq məcburiyyətindədir. Qabaqcıl dövlət olan Azərbaycanla da münasibətlərinin korlanması əslində heç də Rusiyanın xeyrinə olmayacaq. Lakin Putinin və ya onun Qarabağla bağlı siyasətini yürüdənlər orada gedən proseslərə göründüyü kimi adekvat qiymət verə bilmir və vəziyyəti getdikcə gərginləşdirirlər. Hansısa Vardanyanı Qarabağa gətirərək orada yeni layihə olan Rusiya torpağı yaranmasına gələcəkdə nail olmaq Rusiya üçün heç də yaxşı nəticəyə gəlməyə bilər. Çünki bu dəfə başlayacaq hərbi əməliyyatlar Ermənistanın sonuna deyil, hətta Rusiyanın bölgədəki varlığını belə sual altına qoya bilər.
