Türkiyənin Daxili İşlər Nazirliyi öldürülən 2 PKK-lı terrorçunun kimliyi haqqında məlumat yayıb.
Öldürülən terrorçulardan biri axtarışda olan, adı qırmızı kateqoriyaya daxil edilən və başına 4 milyon lirə mükafat qoyulan "Türk Tarıq" kod adlı Barış Öner, digəri isə "Sorej K" kod adı ilə tanınan iranlı terrorçu Barış Coşqundur.
İkilinin birlikdə müxtəlif ağır terror aktlarını planlaşdırdıqları ortaya çıxıb. Terrorçulara aid çantaların içərisindən müxtəlif silah-sursat və həyatda qalmaq üçün zəruri məhsullar tapılıb.
Təhlükəsizlik qüvvələri bölgədə və ətraf ərazilərdə havadan və qurudan əməliyyat-axtarış tədbirlərini davam etdirir.
***
Gümüşhanə bölgəsində təhlükəsizlik qüvvələri ilə terrorçular arasında çıxan qarşıdurma zamanı öldürülən 2 PKK-lı terrorçudan birinin kimliyi bəlli olub.
Zərərsizləşdirilən 2 terrorçudan birinin axtarışda olan və qırmızı kateqoriya üzrə təhlükəli hesab edilən PKK-lı Barış Öner olduğu müəyyənləşdirilib.
Qırmızı siyahıda axtarılan terrorçunun zərərsizləşdirildiyinə dair faktı təhlükəsizlik qüvvələrinin rəsmisi təsdiqləyib.
Agentlikdən verilən məlumata görə, ikinci terrorçunun da kimliyinin müəyyənləşdirilməsi sitiqamətində işlər davam etdirilir.
***
Terrorla mübarizə çərçivəsində aparılan əməliyyatlar zamanı daha 2 terrorçu zərərsizləşdirilib.
Türkiyə mətbuatı xəbər verir ki, Gümüşhane adlandırlılan ərazinin Yeşilköy yaxınlığında təhlükəsizlik qüvvələri ilə terorçular arasında qarşıdurma baş verib. İlkin məlumatlara görə, qarşıdurma zamanı 2 terrorçu öldürülüb. Terror qruplaşmalarına qarşı sözügedən ərazilərdə havadan və qurudan zərbələr davam etdirilir.
Yeşilköy bölgəsində fəaliyyətlərini davam etdirən təhlükəsizlik qüvvələri bir qrup terrorçu ilə təmasda itki verməyib. Zərərsizləşdirilən terrorçuların kimliyi haqqında araşdırma gedir.