"Paşinyan unudur ki, Ermənistan deyilən dövlət SSRİ imperiyası yaranandan sonra Azərbaycanın tarixi torpaqlarında yaradılıb".

Bunu Eurasia Diary-ə açıqlamasında Milli Məclisin deputatı Elman Məmmədov Ermənistan Baş naziri Nikol Paşinyanın "Hər kəs Azərbaycanın SSRİ-nin tərkibindən çıxdığını unudub və Dağlıq Qarabağ Muxtar Vilayəti də Azərbaycan SSR-nin tərkibindən çıxıb və burada qəribə heç nə yoxdur” fikrinə münasibət bildirərkən deyib.

Deputat vurğulayıb ki, Paşinyan öncə hara ermənisi olduğunu araşdırsın:

"Ermənilər Azərbaycan torpaqlarına haradan köçürülüb? Türkiyədən, Suriyadan, yoxsa Livandan? Çünki ermənilər orada yaşamayıblar, ora gəlmədirlər. Azərbaycanın tarixi böyükdür, ərazisi genişdir. Azərbaycanın torpaqları hesabına Ermənistan dövləti yaradılıb. Sovet  höküməti qurulduqdan sonra da, Azərbaycan torpaqlarından Ermənistana və digər qonşu dövlətlərə Moskvanın təyziqi ilə müəyyən qədər pay verilib. SSRİ bir imperiya idi və bu imperiya dağıldıqdan sonra bütün respulikalar müstəqillik qazandılar, o cümlədən Azərbaycan da müstəmləkədən azad oldu. Qarabağ, Şirvan və yaxud başqa bölgələrimiz Azərbaycanın əraziləridir. Paşinyan o qədər bisavad fikirlər irəli sürür ki, bunu izah etmək belə gülüncdür".

"Paşinyan elə fikirlər irəli sürür ki, guya SSRİ Qarabağı Azərbaycanın tərkib hissəsinə qatıb. Elə deyil. O, tarixə nəzər salsın ki, oktyabr sosialist inqilabından sonra yaranan Sovet İttifaqı adlanan dövlət Zəngəzuru, Dərələyəzi, Basarkeçəri və başqa ərazilərimizi onlar kimi köçkün millətə verib dövlət yaratdı. Azərbaycan dövlətçiliyinin Sovet İmperiyası deyilən ərazi yaranana qədər rəqəm etibarı ilə ərazisi çox geniş olub. Paşinyan özünü bu bəyanatları ilə vətənpərvər kimi göstərmək istəyir. Paşinyan dediyi sözlərin, verdiyi vədlərin heç birini yerinə yetirə bilməyib, bilməyəcək də".

Deputat Aydın Mirzəzadə isə hesab edir ki, Nikol Paşinyan Dağlıq Qarabağın Azərbaycan ərazisi olduğunu etiraf edib:

"Paşinyan birinci Ermənistan rəhbəridir ki, Dağlıq Qarabağın Azərbaycan ərazisi olduğunu özü şəxsən etiraf edib. Azərbaycan SSRİ-nin tərkibində olarkən, 86.6 min kvadrat kilometr əraziyə malik idi və tərkibində Naxçıvan Muxtar Respublikası və Dağlıq Qarabağ Muxtar Vilayəti var idi. SSRİ dağılarkən daxil olan 15 müttəfiq respublikanın hər biri müstəqillik qazanıb.

SSRİ-də olarkən onun ərazisi, həm yeni müstəqil dövlətlər, həm də dünya ölkələri tərəfindən tanınır. Qeyd edim ki, 1991-ci il dekabrında “Almata görüşü”də keçmiş müttəfiq respublikarın bir-birinə ərazi iddası etməyəcəyinə dair bəyənat vermişdilər. Bunlar içərisində Ermənistan da var idi və Ermənistan Azərbaycanın ərazi bütövlüyünə dair səsləndirdiyi bəyanatları bir daha təsdiq etdi".

Vəfa VƏLİYEVA