"Müharibənin son proseslərində rus işğalçı ordusunun strateji nöqtələrdən biri olan Xersondan təmizləndiyinə şahid olduq. Bunun əsl pərdəarxası məqamlarından biri Ukrayna administrasiyasının 2014-cü ildən bəri Rusiyanın işğalı altında olan Krımın geri götürülməsi ilə bağlı əsaslı planıdır".
Bu sözləri Ukrayna prezidentinin Krım Muxtar Respublikasında daimi nümayəndəsi vəzifəsində çalışan ukraynalı fəal və siyasətçi Tamila Ravilivna Taşeva mediaya açıqlamasında deyib.
"Rəsmi Ukrayna hərbi əməliyyatları sirr olaraq qalan bu missiya barədə son dərəcə məsuliyyət daşıyır. Bu əməliyyat qətiyyətlə rus hərbi birləşmələrini Krımdan birdəfəlik çıxarmaq məqsədi daşıyır," - deyə, ekspert belə vurğulayıb.
Krımın rəhbər nümayəndəsi qeyd edib ki, o, əvvəllər hesab edirdi ki, Rusiyanı ölkədən çıxarmağın “əsas mexanizmi” siyasi amillərdən və müttəfiqlərlə diplomatiyadan asılı ola bilər. Lakin işğal uzun sürdüyündən və artıq doqquzuncu ayına qədəm qoyduğundan Ukrayna hökuməti bunun hərbi güclə mümkün olduğunu qəbul edib.
"Burada Ukraynanın əks-hücumlarda üstünlük əldə etməsi də əsas amillərdən heab edilə bilər. Hazırda, Krımın geri alınmasının hərbi komponenti Ukrayna hökumətinin üzərinə düşür və bu ən prioritet məqamlardan hesab edilir," - deyə, Taşayeva belə vurğulayıb.
Ekspertin sözlərinə görə, Ukraynanın kəşfiyyat idarəsindən tutmuş bütün müdafiə nazirliyi heyətinə qədər hər kəs bu əməliyyatın uğurlu olacağına böyük inamla yanaşır.
"Mən General Budanovla söhbət edərkən o, qeyd etdi ki, ordu Krım ərazisini 2023-cü ilin yazının sonu və bəlkə də yayında işğaldan azad edə bilər. O, inamla qeyd etdi ki, Krımı daha qısa müddətdə Ukraynaya qaytarılacaq”.
Zelenski administrasiyasının Krımın azad edilməsi ilə bağlı nikbinliyi son aylarda Ukrayna cəbhəsindəki müsbətə doğru dəyişən aktivliklə bağlıdır. Hətta qlobal liderlər Rusiyanın bu il işğalının ilk mərhələsində Kiyevin bir neçə gün ərzində Rusiyanın əlinə keçəcəyindən narahat olsalar da, ukraynalılar son vaxtlar döyüş meydanında heyrətamiz uğurlar əldə edib. Hazırda strategiya Rusiyanın bu il götürdüyü əraziləri geri almaqla yanaşı, Krım da daxil olmaqla, Rusiyanın 2014-cü ildə aldığı əraziləri geri qaytarmağı doğru dəyişib.
Elnur Ənvəroğlu