“Azərbaycan Ordusu Laçın-Xankəndi  yolunun başlanğıcında qurduğu sərhəd-keçid məntəqəsi nəticəsində  Ermənistanın Qarabağa olan əlaqələrini tamamilə nəzarətə götürüldü”.

Bu fikirləri Ednews-a açıqlamasında hərbi ekspert Ədalət Verdiyev söyləyib. Onun sözlərinə görə, son zamanlar Ermənistandan  sülhməramlıların yerləşdiyi Qarabağ ərazisinə daşınmalar xeyli intensivləşib.

“Bu daşınmalara da sülhməramlıların kuryerlik etməsi Azərbaycanı dərindən narahat edirdi. Ölkəmizə Ermənistandan silah-sursat, mina, şəxsi heyət, texnika və digər avadanlıqların daşınması Qarabağda mövcud olan erməni silahlılarının Azərbaycana qarşı müvaqimət potensialının gücləndirilməsi ilə atılan  addımlardan biri idi. Son ay ərzində Azərbaycan bunun qarşısını almaq üçün bir sıra addımla atsa da Rusiya sülhməramlı qüvvələri bundan nəticə çıxarmadı”. 

Ekspert  Rusiya sülhməramlı qüvvələrinin Azərabycanın atdığı addımlara məhəl qoymayaraq  dünən Ermənistandan Azərbaycan ərazilərində hansısa sərhəd-keçid məntəqəsinin qurulması üçün avadanlıqların gətirilməsinə şərait yaratdığını vurğulayıb:

“Bunu adevkat cavab da aldı. Dövlət Sərhəd Xidmətinin bölmələri tərəfindən ölkəmizin suveren ərazilərində, Ermənistan ilə sərhəddə, Laçın-Xankəndi yolunun başlanğıcında sərhəd-buraxılış məntəqəsi quruldu. Bu sərhəd-keçid məntəqəsinin inşa edilməsi nəticəsində də Ermənistanın Qarabağa olan əlaqələrini tamamilə nəzarətə götürüldü. Həmçinin, bu yola qeyri-humanitar yüklərin xüsusilə, silah-sursatın Qarabağ ərazisinə keçməsinin qarşınısını demək olar ki, minumum həddə çatdırdı”.

Qeyd edək ki, Ermənistan tərəfindən aprelin 22-də birtərəfli qaydada Azərbaycan ilə sərhəddə Laçın-Xankəndi yolunun girişində nəzarət buraxılış məntəqəsinin qurulmasına adekvat olaraq aprelin 23-ü saat 12:00-da Azərbaycan Respublikası Dövlət Sərhəd Xidmətinin bölmələri tərəfindən ölkəmizin suveren ərazilərində, Ermənistan ilə sərhəddə, Laçın-Xankəndi yolunun başlanğıcında sərhəd-buraxılış məntəqəsi qurulub.

Aysel Şahmar