EDnews xəbər verir ki, bu barədə Müharibənin Tədqiqi İnstitutunun (İSW) dekabrın 15-də yaydığı hesabatda deyilir.

İnstitutun analitiklərinin fikrincə, bu vəziyyət Şimali Koreya və Rusiya əsgər və zabitləri arasında koordinasiyanı pozur, həmçinin Rusiya hərbi əməliyyatlarına xələl gətirir.

Ukrayna Müdafiə Nazirliyinin Baş Kəşfiyyat İdarəsi dekabrın 14-də bildirib ki, Kursk vilayətində yerləşən Şimali Koreya qüvvələri bu yaxınlarda Ramzan Kadırovun nəzarətində olan "Axmat” taborunun maşınlarını atəşə tutub və çox güman ki, dil maneəsi ucbatından 8 əsgəri öldürüb.
 
GUR onu da qeyd edib ki, dil baryeri ruslarla KXDR rejiminin qoşunları arasında hərbi əməliyyatların effektiv koordinasiyasına da mane olur. Ukraynalı zabitlərin məlumatına görə, Kursk vilayətində Rusiya və Şimali Koreya qüvvələrindən ibarət kontingent, ilkin hesablamalara görə, 200-ə yaxın itki verib.

Bundan əlavə, Ukrayna Qüvvələrinin dronları Şimali Koreya kontengentinin  mövqelərinə  zərbələr endirib.

İSW yekunlaşdırıb ki, zəif inteqrasiya və Rusiya və Şimali Koreya qüvvələri arasında davam edən kommunikasiya problemləri, çox güman ki, yaxın perspektivdə Kursk vilayətində hərbi əməliyyatlar üçün problemlər yaratmağa davam edəcək.