Yalçın Rzazədə Türkiyədə əməliyyat olundu | Eurasia Diary - ednews.net

24 Avqust, Şənbə


Yalçın Rzazədə Türkiyədə əməliyyat olundu

Mədəniyyət A- A A+
Xalq artisti, müğənni Yalçın Rzazadə Türkiyədə əməliyyat olunub.
 
Bu barədə onun oğlu Orxan Rzazadə məlumat verib.
 
Onun sözlərinə görə, atası ötən gün axşam saatlarında əməliyyata götürülüb:
 
“Əməliyyat yaxşı keçib, səhhəti stabildir. Həkimlərin nəzarətindədir. Biz də yanından heç yerə ayrılmırıq. Bu, atamın keçirdiyi ilk əməliyyat idi. Həkimlər bildiriblər ki, ikinci əməliyyat da olacaq. Aparılacaq növbəti cərrahi müdaxilə ilə bağlı həkimlər dəqiq bir informasiya verməyiblər”.
 
Orxan Rzazadənin sözlərinə görə, atasının sənət yoldaşları ona tez-tez zəng vurub Yalçın Rzazadənin səhhəti ilə maraqlanırlar.
 
Qeyd edək ki, Yalçın Rzazadə bir müddət əvvəl mədəsində yaranan problemlərə görə təcili xəstəxanaya yerləşdirilib. Həkimlərin ilkin müdaxiləsindən sonra Xalq artistinin vəziyyəti stabilləşib. Daha sonra isə əməliyyat olunmaq üçün Türkiyəyə gedib.
 
Heydər Əliyev Fondunun Prezidenti Mehriban Əliyevanın tapşırığına əsasən, Xalq artisti Yalçın Rzazadənin səhhəti ilə bağlı məsələləri Fond öz üzərinə götürüb.(oxu.az)

 

 

 

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...