Bu gün xalq yazıçısı Çingiz Abdullayevin doğum günüdür.
Ednews bu münasibətlə Xalq yazıçısını təbrik edib.
Söhbətimizi elə ən maraqlı məqamdan başladıq. Beləliklə, maraqlı müsaibəmizə yaratdığı “Dronqo” personajı özündən daha məşhur olan yazıçıya “Heç olubmu ki, “Dronqo”nu bu populyarlığına görə qısqanmısınız?” sualı ilə keçid edirik.
“Əsla, buna sevinmişəm. Dronqo personajı ilə görüşmək üçün çox sayda adam gəlirdi. Hətta görüşə Qazaxıstandan qadınlar da gəlmişdi. Dronqonun 6 qadın klubu var”-, deyə müsahibim də bizim sualımızı zarafatyana qarşılayır.
Və davamı...
-O zaman həyatınızda çox sevgi etirafları eşitmiş olarsız?
-Bəli, lap çox. (gülür –red).
Biz də Xalq yazıçısı Çingiz Abdullayevə möhkəm can sağlığı, həyatında hər zaman sevib-sevilməyi, daha böyük yaradıcılıq uğurları arzulayırıq.
Qeyd edək ki, Çingiz Akif oğlu Abdullayev 7 aprel 1959-cu ildə Bakı anadan olub. O, orta təhsilini Bakıda 189 saylı tam orta məktəbdə alıb. Daha sonra isə təhsilini 1976-cı ildə ADU-nun hüquq fakültəsində davam edib.
Ədəbi fəaliyyətə tələbəlik dövründən başlayan Çingiz Abdullayev 1983-cü ildən dövri mətbuatda oçerk, məqalə və detektiv janrda yazdığı hekayələrlə müntəzəm çıxış edir. Rus dilində yazan Ç. Abdullayev ingilis və italyan dillərində sərbəst danışır. Əsərləri xarici ölkə xalqlarının dillərinə tərcümə olunub.
27 milyon nüsxədə olan 600-dən çox kitabı dünyada yayılıb. 193 adda kitabın müəllifidir. Bütün bu kitablar onu siyasi detektiv janrında yazan ən məhsuldar, müasir yazıçılardan biri kimi tanıtdırıb.
1991-ci ildən Azərbaycan Yazıçılar İttifaqının katibidir.