Qahirədə 20 Yanvar faciəsinin ildönümü qeyd edilib - FOTOLAR - ednews.net

5 Fevral,

(+994 50) 229-39-11

Qahirədə 20 Yanvar faciəsinin ildönümü qeyd edilib - FOTOLAR

Mədəniyyət A- A A+
Azərbaycan Respublikasının Misirdəki səfirliyində  20 Yanvar faciəsinin 33-cü ildönümü qeyd edilib.
 
Tədbirdə bir sıra xarici ölkələrin, o cümlədən, Türkiyə, Ukrayna və Qazaxıstan səfirləri, həmçinin akademiklər, media nümayəndələri, tədqiqatçılar, Misirdəki Azərbaycan icmasının üzvləri iştirak ediblər.
Azərbaycanın Misir Ərəb Respublikasındakı səlahiyyətli səfiri  Elxan Poloxov qeyd edib ki, 20 Yanvar faciəsindən illər keçməsinə baxmayaraq, xalqımız  bu ağır hadisəni unutmayıb. Hər ilin  bu günü xalq Şəhidlər xiyabanını ziyarət edir və  onların ruhuna fatihə oxuyub Allahdan rəhmət diləyirlər.
 
Çıxışı zamanı səfir hadisənin tarixindən də söz açıb. O, bildirib ki, sovet ordusu Azərbaycan xalqının azadlıq tələbinin qarşısını almaq üçün ağır texnika və silahlardan istifadə edərək, dinc əhalinin üzərinə qoşun yeridib. Qırğınlar nəticəsində uşaqlar, qadınlar və qocalar da daxil olmaqla 147 nəfər həlak olub, 700-dən çox insan yaralanıb.
 
Səfir Poloxov onu da  qeyd edib ki, 20 Yanvar faciəsi Azərbaycan xalqının yaddaşında silinməz iz buraxıb.  Sovet qoşunları Azərbaycan xalqının mübarizə əzmini qıra bilməyib, xalqımız öz müstəqiliyinə nail olub. 2020 -ci ilin Vətən müharibəsində Azərbaycan öz torpaqlarını  erməni işğalından azad edib. Sürətli yüksəliş və inkişaf, geniş sosial - iqtisadi islahatlar nəticəsində dünya ölkələrinin güvəndiyi tərəfdaşa çevrilib.
 
Loğman Yunis
 
1

1

1

1

1



Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...