Ednews Hollivud ulduzu Robert De Niro haqqında maraqlı faktları təqdim edir.
1943-cü il 17 avqustda Nyu-Yorkda anadan olub. İstedada malik valideynlərin övladı olsa da demək mümkündü ki, uşaqlıq dövrlərindən onun üçün heç də parlaq xatirələr qalmayıb. Əksinə balaca Robert cürbəcür sıxıntılar yaşayıb. Üç yaşı olar-olmaz atası ilə anası ayrıldılar və onun uşaqlığı Manhettendə "Balaca İtaliya" adlanan məhəllədə keçdi. Və Robertin təlim-tərbiyyəsi ilə bütövlükdə anası məşğul oldu. Həmin dövrlərdə o, digər uşaqlardan seçilmirdi, arıq, sısqa bir oğlan idi. Əksər uşaqlar kimi Robert də məktəbə getdi.
Dərslərində həmyaşıdlarından o qədər seçilməsə də kiçik De Niro məktəbdə, həm də küçə teatr truppalarınin hazırladığı tamaşalarda iştirak edirdi. Və bütün bunları gələcək şedevrin ilk rolları da adlandırmaq olardı. Oxuduğu məktəbdə bu xoş simalı, arıq, ağbəniz Roberti "Südlü Bobbi" adlandırırdılılar. Məhz elə həmin illərdə kiçik Robert hiss edirdi ki, aktyor olmaq istəyir və bu arzusunun qarşısına dayana bilmir. Və bu duyğular onu öz arxasınca çəkib apardı. O, on altı yaşında məktəbi atıb özünü bu yola həsr etmək üçün fəaliyyətə başladı. Bununla da uşaqlıq və yeniyetməlik həyatına əlvida demək məcburiyyətində qaldı.
Brodveydə tamaşalarla böyüyən De Niro ilk səhnə təcrübəsini də məhz burada edib. Qızıl Qlobus və Oskar mükafatçısı ən çox "Xaç atası 2", "Taksi sürücüsü", "Qəzəbli öküz" və "Sevgilim dəlidir" filmləri ilə yadda qalıb.
O uşaqlığını Nyu York şəhərinin "Kiçik İtaliya"ya adlı məhəlləsində keçirib. Aktyor metropol küçələrində dostları ilə əylənməyi xoşlayırdı və tez-tez bu onun üçün problemə çevrilirdi. Oğlanın özünəməxsus görünüşünə görə hamı onu "Bobby Milk" adlandırırdı.
Teatrda ilk cəhdləri…
Robert 10 yaşında müntəzəm olaraq səhnəyə çıxmağa başladı. Hələ məktəbdə oxuyarkən “The Wonderful Wizard of Oz” filminin çəkilişində iştirak etmiş və burada çox qorxaq bir aslan rolunu oynamışdır.
Robert əsas təhsilini özəl bir təhsil müəssisəsində alıb, lakin məzun olduqdan dərhal sonra musiqi və sənət təhsili aldığı ixtisaslaşdırılmış Nyu York məktəbinə daxil olur.
Yeniyetmə dostları ilə Nyu York küçələrində çox gəzirdi. Anası işləri ilə bağlı çox məşğul olduğu üçün oğluna yetərli zaman ayırmır, ona yalnız maddi yardım göstərirdi. Bu isə De Nironun təbiətinə pis təsir göstərirdi. O, daimi qəzəbli və aqressiv idi. Pis vərdişlərdən qurtulmağa ona atası yardım edir.
Uğur üçün ilk addımlar
Robertin yalnız bir neçə pərəstişkarı bilir ki, onun debüt filmi 1965-ci ildə ekran üzü görən “Manhettendə üç otaq” deyildi. O, ilk qəhrəmanını ilk dəfə 1963-cü ildə "Toy şənliyi" filmində oynayıb. İstehsalçı şirkət iflas etdiyi üçün bu perspektivli komediya vaxtında nümayiş edilməyib. Filmin premyerası 6 il sonra baş tutub. Sonralar De Niro film haqqında danışarkən “qanqster” obrazını canlandırmağa ona küçədə keçirdiyi uşaqlıq təcrübəsinin yardım etdiyini söyləmişdi.
İlk uğur
Bir neçə uğurlu epizodik rol Robertə daha ciddi layihələrə cəlb edilmə imkanı verir. 1973-cü il gənc aktyor üçün taleyüklü il olur, çünki o,"Barabanı yavaşca döyün" filmində rol alır. Məhz bu iş üçün o, Nyu-York kino tənqidçiləri assosiasiyasının nümayəndələrindən ilk müsbət rəylərini alır.
Hollivuda gedən yol
Bir müddət sonra gənc aktyor De Niro məşhur rejissor Martin Scorsese ilə tanış olur. Onların ilk əməkdaşlığı Robertin “qanqster Conni Boy” rolunu oynadığı "Orta küçələr" filmi olur.
Xaç atası
De Niro bu kult filmin birinci hissəsində baş rol almağa can atsa da əsərin baş qəhrəmanı olmaq şansını əldə edə bilmir. O, “Xaç atası” filminin ikinci hissəsi lentə alınanda Vito Korleoninin gəncliyini ideal şəkildə canlandırır. 1974-cü ildə belə yüksək keyfiyyətli reankarnasiya ən yaxşı ABŞ kino tənqidçiləri tərəfindən yüksək qiymətləndirilir. Beləliklə, o, ilk “Oskar”ını alır.
Ən yaxşı filmlər və mükafatlar
Robert De Niro 140 dəfə müxtəlif kino mükafatlarına namizəd olub. Bu mükafatlar “Xaç atası 2”, “Maral ovçusu”, “Taxi Driver”, “Raging Bull”, “Awakening” filmlərindəki iştirakına görə alıb. Onun 21-ci əsrdə ən məşhur filmləri “Valideynlərlə Tanış” və “Sevgilim Dəlidir” olub.
Robert haqqında bunları bilirdiniz?
Aktyorun boyu 175 santimetr, çəkisi isə təxminən 75 kiloqramdır. Bürcü Şirdir.
Aktyorun oğlu Elliot autizm xəstəsidir.
Robert tanınmış geyim kolleksiyaçısıdır.
De Niro bir neçə dəfə məşhur filmlərdəki rollardan imtina edib.
Vəfa Ustayeva