Cənubi Koreya Respublikasının “Donqduk Qadınlar Universiteti”nin nəzdində fəaliyyət göstərən Avrasiya Türk Araşdırmaları İnstitunun direktoru və UNESCO – nun Orta Asiya ölkələri üzrə təmsilçisi, Beynəlxalq Avrasiya Mətbuat Fondunun mədəniyyət səfiri O İnqyonq tərəfindən 8 cildlik “Türk Humanitar Elmləri üzrə Ensiklopediya” nəşr edilib.
Ednews xəbər verir ki, bu ensiklopediya Koreya Milli Araşdırmalar Fondunun maliyyə dəstəyi ilə olunub.
21 müəllifin iştirak etdiyi bu tədqiqat layihəsi professor İnqyonq şəxsən rəhbərliyi ilə ərsəyə gətirilib.
Bu ensiklopediyada əhatə olunan türk humanitar elmləri sahəsinə Türkiyə, Azərbaycan, Türkmənistan, Qazaxıstan, Özbəkistan, Qırğızıstan, eləcə də Rusiya Federasiyasının Tatarıstan, Başqırdıstan, Altay, Xakasiya, Tuva və Saxa Respublikası, Çinin Sincan Uyğur kimi türk ölkələri daxildir. Əsər bu ölkələrin dili, ədəbiyyatı, tarixi, incəsənəti, coğrafiyası, folkloru və dindən tutmuş bütün humanitar sahələri əhatə edir. Əsas hədəfi Türk dövlətlərinin zəngin mədəniyyəti haqqında Koreya dilli oxucuları məlumatlandırmaq, əsasən də yarımada daxilində Türk Dünyası haqqında mövcud olan məlumat qıtlığını aradan qaldırmaqdır. Koreya dilinə marağı olan bütün oxucular üçün bu əsər tövsiyə edilir.
Qeyd edək ki, xanım professor O İnqyonq türk dövlətləri üzrə ekspertdir. O, 2016 – cı ildə türkşünaslıq sahəsi üzrə tədqiqatlarını təşviq etmək naminə, professou olduğu “Donqduk Qadın Unuversitetində” Avrasiya Türk Araşdırmaları İnstitutunu təsis edib. Qısa müddət ərzində bu İnstitut Koreya yarımadasının yeganə türkşünaslıq tədqiqat institutu kimi özünü təsdiqlədi və yarımadada həm ölkə daxilində, həm də xaricdə türkşünaslıq üzrə əsas tədqiqat institutuna çevrildi. Türk ölkələrinin bu İnstitutdan gözləntiləri o qədər xüsusi idi ki, Azərbaycan hökuməti Türkşünaslıq İnstitutunun yaradılmasına icazə verən sədr Vonyonq Ço-nu ölkənin yaranmasının 100 illiyi münasibətilə nailiyyət mükafatı ilə təltif etdi.
Hazırda Beynəlxalq Avrasiya Mətbuat Fondu və onun prezidenti Umud Mirzəyev ilə xanım O İnqyonq arasında şaxəli əməkdaşlıq mövcuddur. BAMF rəhbərinin də təşəbbüsü ilə bu kitab, Azərbaycanın Koreya dilinə marağa sahib oxucuları üçün bir ərməğan olacaq.
Xatırladaq ki, əsər Koreya dilindədir və 8 cilddən ibarətdir. Ensiklopediya həm çap, həm də elektron variantda mövcuddur.
Kitabın bütün cildlərinin elektron variantını aşağıdakı linkdən əldə edə bilərsiniz.
https://turkicacademy.org/en/novost-akademii/encyclopedia-turkic-humanities-was-published
.jpg)
.jpeg)
