Xəzər Universitetinin “Dünya məktəbi”nin müəllim və şagirdləri üçün 28 oktyabr 2016-cı il tarixində Misir Ərəb Respublikasının Azərbaycandakı Səfirliyinin Mədəniyyət Mərkəzində görüş təşkil edilib.
"Eurasia Diary"yə verilən məlumata görə, Misirin tarixi və mədəniyyəti haqqında film nümayiş etdirildikdən sonra Misir Mədəniyyət və Təhsil Əlaqələri Mərkəzinin müdiri Əhməd Sami Elaydi qonaqları salamyaraq, onlara Mərkəzin fəaliyyəti və Azərbaycan mədəniyyət və təhsil ocaqları ilə əlaqələrinin genişləndirilməsi sahəsində aparılan işlər haqqında geniş məlumat verib. Bundan başqa, Misir Mədəniyyət və Təhsil Əlaqələri Mərkəzi və Dünya məktəbi arasında əməkdaşlıq barədə, Dünya məktəbində şagirdlərin Misir uşaq ədəbiyyatı ilə yaxından tanış olmaları üçün bədii qiraət saatlarının, eləcə də Misir Mədəniyyət və Təhsil Əlaqələri Mərkəzi tərəfindən uşaqlar və müəllimlər üçün ərəb dili kurslarının təşkil olunması barədə təkliflərin müzakirəsi aparılıb.
Görüşün keçirilməsindən hər iki tərəf öz məmnunluq hislərini bildirərək, mütəmadi olaraq bu şəkildə görüşlərin təşkil olunmasının zəruriliyinin bildiriblər.