Rumıniyalılar hər il 15 yanvar tarixini Milli Mədəniyyət Günü kimi qeyd edirlər. Bu tarixin Rumıniyanın mədəniyyət günü kimi seçilməsində xüsusi önəmi vardır – həmin bu tarixdə Rumıniyanın dahi şairi Mihai Eminesku anadan olmuşdur. Rumıniya poeziyasının “dan ulduzu” adlandırılan Eminesku müasir rumın dilinin formalaşmasına verdiyi üstün töhvələrinə görə bu gün də Rumıniya mədəniyyətində mükəmməlliyin əsas simvolu olaraq qalır. Onun bütün əsərləri – poemaları, romanları, qısa hekayələri və nəşrləri 19-cu əsrin ikinci yarısında iyirmi il boyunca o, Rumıniya xalqının yaradıcı dahisi və reallaşmayan (o dövrün) potensialının təzahürü hesab edilirdi. Milli Mədəniyyət Günü bayramlarının qeyd edilməsi Rumıniya mədəniyyətinin dünyaya açılmasını, bütün dünya ölkələri və xalqları ilə mədəniyyət bağlarının gücləndirilməsi üçün dəyərli müstəvidən çıxış edərək yeni növ ədəbi cərəyanların inkişafına töhvələr verməsini bir daha sübut edir.
Mihai Eminesku (anadan olub 15 yanvar 1850, Botoşani, Rumıniya – vəfat edib 1889, Buxarest, Rumıniya) – Rumın xalq şairi və indi də dünyadakı bütün rumınlar üçün böyük əhəmiyyət kəsb edən əsərlərin müəllifidir. Tematik və yazı üslübü, eləcə də həyat tərzinə görə Eminesku romantik dövrlərə aid edilən şairlərdəndir. Onun bədii irsinə həmçinin romanlar və tam kolleksiyadan ibarət nəşr əsərləri daxildir. O, Rumıniyanın bütün regionlarından götürülmüş söz və ifadələr, qədim mətnlərdən idiomlar və özünün geniş fəlsəfi mütaliələrindən topladığı yeni sözlərlə rumın ədəbi dilinin zənginləşməsinə verdiyi töhvələrinə görə müasir rumın dilinin atası hesab edilir. Mihai Eminesku, əsərləri Rumıniyanın bütün əyalətlərində nəşr olunan ilk rumın yazıçısı olmuşdur və o, dünyanın istənilən yerində olan rumınların problemləri ilə daim maraqlanmışdır.
Corce Enesku (anadan olub 1881, Liveni, Rumıniya – vəfat edib 1955, Paris) – Rumıniyanın ən əhəmiyyətli musiqiçisi olan Corce Enesku tanınmış bəstəkar, skripkaçı, pianoçu, dirijor və müəllim olmuşdur. Bu möcüzəvi uşaq, Enesku, ilk yaşlarından etibarən musiqi bəstələməyə başlamışdır. O, hələ yeddi yaşında olarkən, Vyana Konservatoriyasına qəbul edilən ən gənc tələbə olmuş və 1891-ci ildə on yaşlı Enesku Vyana Məhkəməsində İmperator Frans Josefin iştirakı önündə özəl konsert vermişdir. 1923-cü ildə o, Nyu Yorkda yerləşən Karneq Holda Filadelfiya Orkestri üçün dirijor kimi özünün ilk Amerika debütünü etmişdir. Eneskunun bir çox əsərləri mənbəyini rumın xalq musiqilərindən almışdır və Rumıniya Rapsodiyaları (1901, 1902), Oedipus (1936) operası və orkestr üçün suitaları onun ən məşhur bəstələrindəndir. Yehudi Menuhin Eneskunun yanında təhsil alan və onun yanında bir skripka müəllimi kimi formalaşan çoxsaylı məhşur dünya incəsənət xadimlərindən biridir. Eneskunun Rumıniya və dünya musiqisinə verdiyi töhvələrinə və karyerasının şərəfinə Rumıniya hər iki ildən bir Avropada ən böyük müsabiqə növlərindən biri hesab edilən Corce Enesku Beynəlxalq Festivalı və Müsabiqəsinə ev sahibliyi edir.
Eugen İonesko (anadan olub 1909, Slatina, Rumıniya – vəfat edib 1994, Paris) – məhşur rumın yazıçısı olmuş və “Absurd Teatrının kralı” kimi tanınmışdır. Onun əsərlərinin əksəriyyəti Eugene İonesco adı altında fransız dilində yazılmışdır. Gülünc və çox banal vəziyyətlərdən əlavə, İoneskonun əsərləri insan mövcudluğunun maddi olaraq yeganəliyini və puçluğunu göstərir. “Keçəl Soprano” (1948),“Stullar” (1951) və “Kərgədan” (1959) onun ən məhşur əsərləri sırasındadır. İoneskonun əsərləri dünyanın bir çox teatr səhnələrində oynanılmışdır.
Konstantin Brançuşi (anadan olub 1876, Hobita, Rumıniya – vəfat edib 1957, Paris) – məhşur rumın heykəltəraşı, rəssamı və fotoqrafı olan və bütün dünyada “müasir heykəltəraşlığın patriarxı” kimi qəbul edilən Brançuşi 20-ci əsrin ən nüfuzlu heykəltəraşlarından biridir. Onun sənəti təsviri incəsənətdəki rəmzi işarələrdən istifadə etməklə material formalarını balanslaşdıran təmiz geometrik xəttləri önə çəkir. Onun əsərlərindən bəziləri onun Parisdə yerləşən Pompidu Mərkəzi adlı emalatxanasının, eləcə də, Nyu Yorkdakı Müasir İncəsənət Muzeyinin inşaasında daimi görüntü olaraq yerləşdirilmişdir. Onun üç ən məşhur geniş miqyaslı heykəlləri olan Sonsuz Sütun, Sükut Masası və Öpücük Qapısı (fotolar aşağıdadır) Birinci Dünya Müharibəsi ərzində vuruşan rumıniyalıların şücaətindən və özlərini fəda etmələrindən bəhs edir və bu əsərlər onun anadan olduğu Rumıniyanın Targu-Jiu şəhərindəki Mərkəzi Parkda yerləşdirilmişdir.
Mirçea Eliade (anadan olub 1907, Buxarest, Rumıniya – vəfat edib 1986, Çikaqo) – Rumıniya mədəniyyət sahəsində bir şəxsiyyət kimi tanınmış və fəlsəfə, ədəbiyyat, din sahələrinə və öz nəşr fəaliyyətinə heyrətamiz töhvələr vermişdir. Fəlsəfə sahəsindəki dünyaca məhşur töhvəsinə görə, xüsusən də, məkan və zaman baxımından müqəddəs və kafir arasındakı fərqlər haqqında nəzəriyyənin əsasını qoymuşdur. Din sahəsində, bu günkü dövrə kimi, Eliadenin “Dini İdeyaların Tarixi” adı altında cildlər şəklində toplanmış əsərləri dünyanın əksər universitetlərində tədris vəsaiti kimi istifadə olunmaqda davam edir. Çikaqo Universitetində Dinlərin Tarixi Kafedrası Departamenti Mirçea Eliadenin adını daşıyır.