Azərbaycan üzən məzənnə rejiminə keçmək üçün əvvəlcə sərbəst valyuta axınını təmin edəcək şəraiti formalaşdırmalıdır. Odur ki, bu istiqamətdə müvafiq işlər görülür.
Bu barədə Mərkəzi Bankın İdarə Heyətinin sədri Elman Rüstəmov deyib.
Onun sözlərinə görə, Mərkəzi Bank uçot dərəcəsini sabit saxlayıb. Qurumun İdarə Heyətinin qərarı ilə uçot dərəcəsi 10 faiz səviyyəsində, faiz dəhlizinin yuxarı və aşağı həddi buna simmetrik diapazonda 2 faiz səviyyəsində, yəni yuxarı hədd 12 faiz, aşağı hədd 8 faiz səviyyəsində qalıb.
Mərkəzi Bankın sədri ölkədə mövcud inflyasiya səviyyəsini də açıqlayıb və əlavə edib ki, Tarif Şurasının nəqliyyat tariflərinin tənzimlənməsi ilə bağı qərarı da inflyasiyaya ciddi təsir göstərməyəcək. İstənilən halda inflyasiyanın 1 rəqəmli həddi keçməsi gözlənilmir.
Ölkənin baş bankiri beynəlxalq maliyyə qurumu olan "Standard and Poors" təşkilatının Azərbaycanın maliyyə reytinqini aşağıda saxlamasına da münasibət bildirib. Elman Rüstəmov, təşkilatın mövqeyinin qərəzli olduğunu vurğulayıb.
O hesab edir ki, bu reytinq hazırlanarkən ölkədəki bank- maliyyə sistemi və qəbul olunmuş proqramlar ətraflı təhlil edilməyib.
Mövzu ilə bağlı daha ətraflı videomaterialı təqdim edirik: