Dünya bazarlarında "Azeri Light" (CIF) markalı neft bahalaşıb. Belə ki, Azərbaycan neftinin 1 bareli ötən günlə müqayisədə 0,42% və ya 0,33 dollar artaraq 79.18 ABŞ dollara ticarət edilib.
Hazırda Azərbaycan neft ixrac edən ölkə kimi dünya bazarında önəmli rola sahibdir. Bu səbəbdən də neftin qiymətində ciddi dəyişiklik olduqda bu ölkəmizin iqtisadiyyatına da ciddi təsir göstərir.
Xam neftin dünya bazarında qiymətinin artması neft ixracaatçı olan Azərbaycan gəlirlərinə necə təsir edəcək? İqtisadiyyatında hansısa dəyişikliklər baş verəcəkmi?
Məsələ ilə bağlı Ednews-a danışan neft-qaz eksperti İlham Şaban bildirib ki, dünya bazarında Azərbaycan neftinin bahalaşması ölkənin gəlirlərinə müsbət təsir göstərir.
“Bu hal təbii ki həm ölkənin həm də vətəndaşların rifahını yüksəldir. Hazırda Azərbaycan 600 000 bareldən bir qədər çox neft ixrac edir. Gündəlik 1 dollar neftin qiyməti artırsa əvvəlki günlə müqayisədə bu 60000 dollar məbləğindən daha çox qazanc əldə edir. Xatırladaq ki, “Azeri Light” markalı neftin bir barelinin qiyməti 2020-ci ilin aprel ayında minimal səviyyəyə düşərək 15,81 dollar olub, 2008-ci ilin iyulunda isə maksimum qiymətə - 149,66 dollara satılıb”.
Neft təhlilçilərin proqnozlarına görə, ümumi daxili məhsulda aşağı faizli artımın qeydə alınması birbaşa neft sektorundakı azalma ilə bağlıdır. İ.Şaban bu proqnaz haqqında danışarkən qeyd edib ki, Azərbaycanda 2022- ci ildən neft ixracında azalma müşahidə edilir.
“İndi neftin qiymətində artım əvvəlki illərdə ki ilə kompensasiya edir və tarazlaşır”.
Ekspert həmçinin Neft qiymətlərində yüksəlişin inflyasiyanın artmasına gətirəcəyi haqqında fikirlərə də münasibət bildirib.
“Neft qiymətlətində yüksəlişinin infilasiyaya səbəb olması fikri doğrudur. Cənab Prezident İlham Əliyev öz çıxışında da qeyd edib ki, ötən il- 2022 ci ildə yüksək infilyasiya birbaşa olaraq dünya bazarında enerji daşıyıcılarının qoyduğu yüksək qiyməti ilə bağlı olub”.
Qeyd edək ki, 2022-ci ildə “Azeri Light” (CIF) markalı neftin bir barelinin orta satış qiyməti 103,58 ABŞ dolları təşkil edib. 2021-ci ilin göstəricisi ilə müqayisədə ötən il “Azeri Light” (CIF) nefti 44,6% bahalaşıb.
Kazımlı Rübabə