Vətəndaşların banklarda olan depozit gəlirlərinə vergi güzəştlərinin tətbiqinə başlanacaq. Belə ki, Vergi Məcəlləsinə edilən dəyişikliklərdə vətəndaşların əmanətlərindən əldə edilən gəlirlərinə güzəştlər nəzərdə tutulur. Bəs görəsən, depozit gəlirlərinə vergi güzəştlərinin tətbiq olunmasının nə kimi müsbət və mənfi tərəfləri olacaq?

Məsələ ilə bağlı Ednews-a açıqlamasında iqtisadçı-ekspert Günay Hüseynova bildirdi ki, bir neçə müddət əvvəl depozitlərə tətbiq olunan güzəşt aradan qaldırılmışdı və bu da depozit sahiblərinin haqlı olaraq narazılığına səbəb olmuşdu:

"Hətta müəyyən kütlə əmanəti hesabdan çıxarıb digər sahələrə yönləndirmişdi. Əslində vergi güzəştindən daha çox depozit faizlərinin yüksəldilməsinə ehtiyac var. Kredit faizləri ilə depozit faizləri arasında həddindən çox fərq var. Təbii ki burda qazanan bank olur. Müəyyən kütlə güvənlik baxımından pulunu banka qoyur. Oğurluq halından bir növ qorunmaq üçün. Ümumiyyətlə, bank sektoruna da nəzarət lazımdır. Tutaq ki bir şəxs hesabında 1 milyon depoziit yerləşdirib.Təbii ki, böyük pulun faizindən gələn gəlir də böyük olur. Pulun mənbəyini araşdırmaq lazımdır. Düzdür depozit yerləşdiriləndə soruşulur iş yeri və.s. Lakin kiminsə həbsi olanda görürük ki, hesabındakı neçə min və ya milyon müsadirə olunur. Bundan əlavə banklar bilməlidir ki, qonşu ölkələrdə faiz dərəcəsi daha yüksəkdir. Manatın dəyəri daha yüksəkdir o ölkələrin pul vahidinə nisbətən. Yəni Azərbaycanda aşağı faizə qoymaqdansa o ölkədə faizə qoyar və ya daşınmaz əmlak alar".

Oğuz