OPEC 2024-2025 illəri üçün Azərbaycanda neft hasilatı proqramını yeniləyib. Artıq ümumi olaraq neft və digər karbohidrogen məhsullarını hasilatını 700 min barel olacağı gözlənilir.
Bu hesabla Azərbyacanda da neft hasilatı arta bilər?
Məsələ ilə bağlı Endews-a açıqlama verən Neft Araşdırmaları Mərkəzinin rəhbəri İlham Şaban OPEC-in yeni proqnozunun reallığı əks etdirmədiyini qeyd edib:
“OPEC-in proqnozlarını Beynəlxalq Enerji Agentliyinin cari il üçün olan proqnozları ilə müqayisə etsək arada 100 min barel sərf var. Bu çox böyük bir xətadır. Biz bu vəziyyətdə bir dilemmada qalırıq ki, 600 min barel neft çıxarılacaq, yoxsa 700 min. Bu nə dərəcədə proqnoza uyğundur? Azərbaycan dövlətinin hesabatına görə 29 milyon 432 min tondan çox neft hasilatı gözlənilir. Bu hesablamaya görə, 596 min barel neft hasil edildiyini müşahidə etmək olar. Yəni, bu göstərici təxmini 600 min civarında olur“.
Ekspert bildirib ki, OPEC-in bu qərarına lazımi vaxta cavab vermək lazım idi ki, digər dövlətlər Azərbaycanın qəsdən proqnoz ediləndən az neft hasil etdiyini iddia etməsin:
“OPEC-in bu qədər böyük bir xətaya yol verməsi və Azərbaycanın rəsmi qurumlarının buna reaksiya verməməsi məncə yaxşı hal deyil. Buna Energetika Nazirliyi və ya İqtisadiyyat Nazirliyi tərəfindən buna cavab verilməli idi. Əks halda elə başa düşülə bilər ki, Azərbaycan qəsdən 700 min yox 600 min barrel neft hasil edib. Bunu bizə qarşı istifadə etməyə çalışanlar ola bilər. Azərbaycanda 2010-cu ildən sonra zirvə göstəricisi keçilib və artıq 4 ildir ki, neft hasilatı azalır. Digər neft ölkələrindən fərqli olaraq biz neft hasilatına limit qoymuruq, əksinə bacardığımız qədər hasilat edirik.
Buna görə də bu proqnozların reallığı əks etdirmədiyi haqqında bir açıqlama verilməldir ki, bu xarici qüvvələr tərəfindən bizə qarşı istifadə edilməsin”.
Fərid