Azərbaycan Prezidenti İlham Əliyev “Avropa Siyasi Birliyi” 4-cü Zirvə toplantısının keçirildiyi Blenheym sarayına keçirilən zirvə toplantısında Azərbaycanın Avropaya qaz ixracatını ikiqat artıracağını bildirib. Prezident qeyd edib ki, neft Azərbaycan neftindən əhəmiyyətli dərəcədə asılı olan çox həssas nöqtələrə nəql edilir. 

Azərbaycan Avropaya qaz ixracatını ikiqat arıtra bilər?

“Bizim neftdənsə qaz ehtiyatlarımız daha çoxdur. Qazın ixrac edilməsi üçün də təbii ki, boru kəmərlərinə ehtiyac var. Bunu etdikdən sonra bazarlara daxil olursuz və onlara hakim olursuz. Biz görürük ki, addımbaaddım cənab Prezident Avropa ölkələri ilə danışıqlar aparır. Biz İtaliyaya qaz və neft ixrac edirik. Artıq biz nəinki İtaliya, həm də Serbiya, Macarıstan, Bolqarıstan və Rumıniya kimi Şərqi Avropa ölkələri ilə də müxtəlif müqavilələr bağlanılıb və bu ölkələrə qaz hasilatı başlayıb.”

Bu fikirləri Ednews-a açıqlaması zamanı iqtisadçı alim Emin Qəribli bildirib. Onun sözlərinə görə, Rusiya qazına qoyulan qadağa Azərbaycanın energetika sahəsində əhəmiyyətini daha da artırıb:

“İnanıram ki, bu ölkələr öz enerji təlabatlarını ödəməkdən əlavə həm də xarici ölkə kimi çıxış etmək istəyirlər. Bildiyimiz kimi, Rusiyanın qazına qadağa qoyulandan sonra başqa qaz mənbələrinə böyük ehtiyac yaranıb. Buna görə də, Azərbaycnın yaratdığı reputasiya ilə onlar bizim enerji ehtiyatlarımıza üz tuturlar.

Bizim yeni yeni kəşf olunan enerji mənbələrimiz var ki, onlara investisiya ayırdıqdan sonra bizim qaz hasilatımız da arta bilər. Ölkə prezidentinin də dediyi kimi, 2027-ci ilə qədər yeni müqavilələr bağlandıqca investorların sayı da artacaq. Bütün bunları nəzərə alsaq, Azərbaycanın qaz ixracatını ikiqat artırmaq üçün yetəri qədər potensialımız var.” 

Ekspert bildirib ki, Azərbaycan öz qaz ixracını genişləndirmək yanaşı, həm də özünün tranzit ölkə kimi əhəmiyyətini artıra bilər:

“Ölkələrə gəldikdə Yunanıstan, Rumıniya, Bolqarıstan, Serbiya və Macarıstan kimi ölkələrlə Azərbaycanın Avropa bazarında mövqeyi daha da möhkəmlənəcək. Gələcəkdə bu ticarət yolu şimala doğru uzana, Sloveniya və Slovakiya kimi ölkələrdən Avropanın mərkəzinə qədər çata bilər. Düşünürəm ki, Azərbaycanın buna kifayət qədər potensialı var. Məhz bizim türk dövlətləri ilə olan əlaqələrimiz vasitəsi ilə biz qaz ticarəti yolları üzərində tranzit ölkə kimi çıxış edə bilərik. Biz yaxın gələcəkdə həm öz qazımı Avropaya ikiqat daha çox ixrac edə, həm də tranzit ölkə rolumuzu artıraraq bazarda yerimizi gücləndirə bilərik.”

Fərid