Masato Kanda rəsmi olaraq Asiya İnkişaf Bankının (AİB) 11-ci prezidenti vəzifəsinin icrasına başlayıb.
Bu barədə “EDnews” banka istinadən xəbər verir.
“Regionumuz üçün bu mühüm məqamda AİB-yə rəhbərlik etmək mənim üçün böyük şərəfdir. 69 üzvümüzün etimadı və fədakar əməkdaşlarımızın güclü dəstəyi ilə mən bankın dayanıqlı, inklüziv və davamlı inkişafın təşviqinə yönəlmiş missiyasını irəli aparmaq niyyətindəyəm. Biz birlikdə AİB-nin regionun etibarlı tərəfdaşı olaraq qalmasını təmin etmək üçün əsas inkişaf çağırışlarını həll edəcəyik. Fəaliyyətimiz real nəticələrə və Asiya-Sakit okean regionu əhalisinin rifahının uzunmüddətli yaxşılaşmasına yönələcək”, - M.Kanda bildirib.
Qeyd edək ki, 2024-cü il noyabrın 28-də AİB Rəhbərlər Şurası Masato Kandanı bankın prezidenti seçib. O, bu vəzifəni 2026-cı il noyabrın 23-dək icra edəcək.
AİB aparıcı çoxtərəfli inkişaf bankıdır. Azərbaycan 1999-cu ildən Asiya İnkişaf Bankının üzvüdür.
