"Bir neçə saata və yaxud bir neçə günə İranın nüvə laboratoriyaları raket zərbələrinə məruz qala bilər”.
“EDnews” xəbər verir ki, bunu hərbi ekspert Üzeyir Cəfərov ABŞ və İsrailin İrana qarşı son təhdidlərini şərh edərkən deyib:
"İranla bağlı artıq Amerika düyməni basıb. Tramp adminstrasiyası bu məsələdə qətidir. Artıq İran öz hava məkanının bağlanması və uçuş üçün qadağan qərarı verib. Tramp İsraillə artıq razılığa gəlib, Ola bilsin, bir neçə saata və yaxud bir neçə günə İranın nüvə laboratoriyaları raket zərbələrinə məruz qalacaq. Bunun geri dönüşü yoxdur. İqtidara gələndən Tramp hara əl atıbsa, uğursuzluğa düçar olub. Ona görə də İranın cəzalandırılması əməliyyatını həyata keçirməklə düşən reytinqini qaldırmaq istəyir. Son sorğularda Tramp ən aşağı reytinq toplayıb, yanvarda 50 faizdən çox idi, indi cəmi 43 faizdir. Bu mənada İranı vurmaqla nüfuzunu yenidən aldırmağa çalışır. İran isə onun üçün burada ən zəif həlqədir. Tramp Rusiyaya, Ukraynaya da qəzəblidir. Amma onlarla bağlı heç nə alınmır. Belə vəziyyətdə ən asanı İranı vurmaqdır ki, onu da edəcək”.
Çinin İrana yaranmış vəziyyətdə kömək əlini uzadacağı barədə yayılan fikirlər isə həmsöhbətimizə görə boş sözlərdir:
"Bu, sadəcə Çinin Amerikanı atacağı addımdan çəkindirmək üçün bir təzyiq növüdür. Amma onlar Trampa təzyiq edə bilməyəcəklər. Pekin sadəcə bəyanat verməklə kifayətlənəcək. Artıq İranla bağlı məsələ həll olunub. Yaxın saat və ya günlərdə İrana zərbələr endiriləcək”.
Qeyd edək ki, ABŞ və İsrail ölkənin davam edən nüvə proqramının yaratdığı təhlükəni aradan qaldırmaq üçün İrana zərbə endirə bilər.
Bu barədə Britaniyanın "Daily Mail" qəzeti mənbələrə istinadən yazır.
"Tramp İranı bombalamağa hazırlaşır. Bir neçə yüksək rütbəli siyasi, hərbi və diplomatik mənbənin məlumatına görə, ABŞ və İsrail İrana bu ölkənin nüvə proqramının yaratdığı təhlükəni həmişəlik aradan qaldıracaq zərbələr endirməyə hazırlaşır", - deyə nəşr qeyd edir.
Bu fonda Pekin də bəyan edib ki, İrana dəstək verəcək.
