Mayın 21-də Macarıstanın paytaxtı Budapeştdə Türk Dövlətləri Təşkilatının Dövlət Başçıları Şurasının qeyri-rəsmi iclası başlayıb.Macarıstanın Baş naziri Viktor Orban dövlət başçısını qarşılayıb.Macarıstanın Baş naziri Viktor Orban dövlətimizin başçısını qarşıladı.
Macarıstan Baş naziri Viktor Orbanın sədrlik edəcəyi sammitdə Azərbaycanla yanaşı, TDT-yə üzv digər dövlətlərin - Qazaxıstan, Qırğızıstan, Türkiyə və Özbəkistanın prezidentləri iştirak edəcək. Bundan əlavə, TDT-nin müşahidəçi dövlətlərinin nümayəndələri və təşkilatın baş katibi də sammitə qatılacaq.
TDT tarixində ilk dəfə təşkilatın sammiti müşahidəçi dövlət tərəfindən keçiriləcək. Bu, Macarıstanın türk dövlətləri ilə hərtərəfli əməkdaşlığın qətiyyətlə dərinləşdirilməsində artan rolunu vurğulayır.
EDnews'un Budapeştə ezam olunmuş əməkdaşı xəbər verir ki, Azərbaycan Respublikasının Prezidenti İlham Əliyev tədbirdə iştirak edir.
“Şərq və Qərbin Görüş Nöqtəsi” mövzusu altında keçiriləcək qeyri-rəsmi zirvə dövlət başçılarına prioritet sahələrdə əməkdaşlığı inkişaf etdirmək, regional və qlobal miqyasda ümumi məsələlərin müzakirəsi baxımından mühüm imkan yaradacaq.
Zirvə toplantısının sonunda Türk Dövlətləri Təşkilatının ortaq və strateji baxışını təsdiq edən Budapeşt Bəyannaməsinin qəbul edilməsi, müxtəlif mühüm qərarların və təşəbbüslərin ictimaiyyətlə paylaşılması nəzərdə tutulur.
Mədinə Məmmədova//EDnews
