Çinli alimlər xərçəngə qarşı mübarizə aparacaq nanorobotlar hazırlayıblar.

Bu barədə Çinin Nanoelmlər və Texnologiyalar Mərkəzi məlumat yayıb. Bildirilib ki, alimlər təhlükəli şişlərə qarşı uğurla mübarizə aparmaq qabiliyyətinə malik olan və dünyada ilk avtonom DNK nanorobotlar yaradıblar. İlk sınaq isə kifayət qədər uğurlu olub. Hər bir belə nanorobotun ölçüsü çox kiçikdir və onları adi gözlə görmək mümkün deyil.

Sözügedən nanorobot ölçüsünə görə iynənin ucundan 5000 dəfə kiçikdir. Dezoksiribinuklein turşusu (DNT) əsasında işləyən robot boruşəkilli struktura malikdir, onun uzunluğu təxminən 90 nanometr, diametri 19 nanometr təşkil edir. Nanorobotlar öz konstruksiyası sayəsində araşdırmalar aparmağa kömək edəcək və özləri şişləri tapacaqlar. Bundan sonra təhlükəli şişin qanla təmini blok ediləcək. Nəticədə şiş bir neçə həftə sonra məhv olmağa başlayacaq. Nanorobotlar siçanlar üzərində sınaqdan keçirilib. Bir neçə gün və ya həftə ərzində şişin ölçüsünün xeyli azalması, çox vaxt isə tam məhv olması müşahidə edilib.

Layihənin əməkdaşlarından biri olan Çinli alim Çjao nanorobotlar haqqında məlumat verərkən, robotların xüsusilə geniş yayılan insult riskini azaldacağını deyib:

"Kimyəvi terapiya və radiasiyadan fərqli olaraq, DNT nanorobotları yaxınlıqdakı sağlam toxumalara ziyan vurmadan şişləri müalicə etmək qabiliyyətinə malikdir. Nanorobotlar beyində toplanmır və beləliklə, insult riski yoxdur”.