ÜST şəkərli içkilərə vergilərin artırılmasını TƏKLİF EDİR - 1,4 trilyon ABŞ dolları... - ednews.net

5 Fevral,

(+994 50) 229-39-11

ÜST şəkərli içkilərə vergilərin artırılmasını TƏKLİF EDİR - 1,4 trilyon ABŞ dolları...

Səhiyyə A- A A+

Ümumdünya Səhiyyə Təşkilatı (ÜST) ilk dəfə olaraq şəkərlə zənginləşdirilmiş içkilər üçün vergi bələdçisi dərc edib.

Ednews xəbər verir ki, ÜST üzv dövlətləri insanların həyatını xilas etmək üçün şəkərlə zənginləşdirilmiş içkilərə olan vergiləri artırmağa çağırıb.

Dünyanın ən azı 85 ölkəsi şəkərlə şirinləşdirilmiş içkilərə bəzi formada vergi tətbiq edib. Hazırda Meksika, İngiltərə və Cənubi Afrika da bunu uğurla həyata keçirən ölkələr arasındadır.

ÜST-ün Sağlamlığın Təşviqi üzrə Direktoru Ruediger Krech şəkərli içkilərdən alınan vergilərin sağlamlığın təşviqi üçün güclü vasitə ola bilcəyini vurğulayıb. O, həmçinin  bu vergilərin insanların həyatını xilas etmək və xəstəliklərin qarşısını almaqla yanaşı, sağlamlıqda ədaləti təşviq edən , ölkələr üçün gəlir mənbələrini səfərbər edə biləcəyini bildirib.

Vergi qoyulmasının şəkərli içkilərin qiymətini artıracağına və istehlakçı tələbatını azaldacağına diqqət çəkilərək, dünya səviyyəsində şəkərli içkilərə tətbiq edilən 50 faizlik verginin 50 ildə dünya iqtisadiyyatına 1,4 trilyon ABŞ dolları əlavə gəlir gətirə biləcəyi də açıqlanıb.

Nəzrin Beydiyeva



Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...