İnsan bədəninin ortalama 60 faizi sudan ibarətdir. Su oksigendən sonra insan üçün vacib ünsürlərdən birisidir. İnsan bədəninin 25 faizi qatı maddələrdən, 75 faizi isə sudan, mayedən ibarətdir. Beynimizin isə 85 faizi sudur. Suyun həyat olduğunu hər kəs bilir. Orqanizmə hansı miqdarda suyun lazım olduğunu dəqiqləşdirmək üçün kiçik bir hesablama aparmaq kifayətdir. Bədənin hər kiloqram çəkisi 30 qram su tələb edir. Məsələn, əgər sizin çəkiniz 70 kiloqramdırsa, 70 vurulur 30-a. Nəticədə sizin orqanizminizin suya tələbatı 2 litr 100 qram alınır. Ancaq bir məsələni də nəzərə almaq lazımdır ki, əgər insan idmanla, yaxud gün ərzində saatlarla fiziki işlə məşğul olursa, və ya havaların hədsiz dərəcədə isti olması suya tələbatı artırır.
Bəs yaxşı gün ərzində az su içmək bədənimizdə nə kimi problemlər yarada bilər?
Mövzu ilə bağlı Ednews-a danışan sağlam qidalanma mütəxəssisi Məhsəti Hüseynova bildirdi ki, normal su qəbul etməmək ölümə də səbəb ola bilər”
“Orqanizimə qəbul etdiyimiz qidaların tərkibindəki vitamin və minerallar suyun sayəsində orqanizimdə həll olur. Eyni zamanda orqanizimdə olan toksinlər su ilə xaric olunur. Hər insan öz kilosuna görə su içməlidir. Suyun əsas rollarından biri isə təzyiqi normallaşdırır, mədənin turşuluq balansını tənzimləyir, eyni zamanda orqanizimdə oksigenin daşınmasında rolu vardır. Əgər insan suyu qədərindən az qəbul edərsə ilk öncə bu proses beyində özünü göstərir. Məsələn, gün ərzində baş ağırısı suyun normal qəbul edilməməsindən yaranır”.
M.Hüseynova əlavə etdi ki, su içməmək əsəb, aqressiya, yorğunluğa da səbəb olur. Böyrəkdə daşların yığılmasına, dərinin elastikliyinin itməsinə, əzələ ağrılarına, eyni zamanda daxili orqanların zamanla pozulması və maddələr mübadiləsinin aşağı düşməsinə səbəb olur.
“Mütləq gün ərzində lazım olan su qəbul edilməlidir. Əsas da 25 yaşa qədər mütəmadi içilməlidir. Çünki həmin yaş dövründə boy artımı, dərinin düzgün inkişafı və bu kimi prosseslər də rol oynayır. Normal su içilmədikdə orqanizimizə zərər vura bilərik, bu da sonda ölümlə nəticələnə bilər. Təzyiq, qanda tromplaşma, böyrək çatışmamazlığı da bunun bariz nümunəsidir. Səhər yuxudan oyananda 1-2 sətəkan su içməklə günə başlamaq daha yaxşıdır. Yeməkdən öncə su içilməsi daha məqsədə uyğundur.”
Qeyd edək ki, bir çox elmi araşdırmalar sübut edir ki, suyun kifayət miqdarda qəbulu ürək-damar sistemi xəstəliklərinin, maddələr mübadiləsi pozulmaların, hətta xərçəngin profilaktik tədbirlərindən biridir.
Rübabə Kazımlı
.jpeg)
