Uşaqlarda unutqanlıq, konsentrasiya və yorğunluq kimi problemlərin B12 çatışmazlığından qaynaqlandığı xəbərdarlığı edilsə də, xüsusilə vegan və vegetarian ailələrin diqqətli olması lazımdır.

Ednews xəbər verir ki, son illərdə uşaqlar və yeniyetmələr arasında unutqanlıq, diqqəti cəmləyə bilməmə, konsentrasiya və yorğunluq kimi problemlər tez-tez müşahidə olunmağa başlayıb. Bir çox ailələr isə övladlarında belə problem gördükdə pedaqoqlara getməyə üstünlük verirlər. Ancaq uşaq inkişafı mütəxəssisləri, xüsusilə inkişaf çağındakı fərdlərdə görülən unutqanlıq və konsentrasiya çatışmazlığı kimi problemlərin əsasən B12 vitamini çatışmazlığından qaynaqlandığına diqqət çəkərək, vegan və vegetarian ailələrə əhəmiyyətli xəbərdarlıqlar etdilər. 

Getdikcə artan sağlamlıq problemini gündəmə gətirən adlardan biri də Üsküdar Universiteti Tibb Fakültəsi Daxili Xəstəliklər Fundamental elm sahəsi Başçısı, Tibbi Farmakologiya kafedrasının müdiri Prof. Dr. Tayfun Uzbay oldu. Son zamanlar xüsusilə uşaqlarda B12 çatışmazlığında artımın diqqət çəkdiyini bildirən Prof.Dr.Uzbay, "Öz oğlumda da B12 vitamini çatışmazlığı var" dedi. 

Sosial media hesabından da xəbərdarlığı paylaşan Prof.Dr.Uzbay, "Problemin ən böyük mənbəyi düzgün qidalanmamaq, işlənmiş qidalar, ət və süd məhsullarının qeyri-kafi istehlakıdır. Bir çox şagird konsentrasiya problemləri ilə yanaşı unutqanlıq da yaşayır", - deyə xəbərdarlıq edib.

Ümumdünya Səhiyyə Təşkilatının (ÜST) son  hesabatlarında qlobal miqyasda təxminən 1,5 milyard insanın B12 vitamini çatışmazlığı riski altında olduğu bildirilsə də, problemin əsasən qeyri-kafi və qidalanma ilə yanaşı, əsas həzm və udma problemlərindən qaynaqlandığına diqqət çəkilir.

Aysel Şahmar