Gündəlik qəbul etdiyimiz qidaların tərkibində orqanizmimizi məhv edən zərərli maddələr mövcuddur. Bunlardan ən təhlükəlisi isə ağ şəkərdir. Şəkərin insan orqanizmi üçün bir çox zərərləri məlumdur.
Qida eksperti Mustafa Cingözün fikrincə bu mövzuda hər zaman sərt fikir səsləndirmək lazımdır ki, insanlar bu təhlükənin ciddiliyini başa düşsünlər. Mütəxəssis ilk olaraq çörəyin tərkibində olan qlütendən də söz açıb.
“Qlüten dedikdə ağlımıza ilk  gələn çörək olur. Bundan başqa ağ və şəkər tərkibli çörəklər, tort, paxlavalardan qaçmaq lazımdır.Əgər bu qidaları qəbul etməyə davam etsəniz özünüzə qarşı düşmənçilik etmiş olarsınız. Həm də bu yolla çölyak və qlüten xəstəliklərini özümüzə  cəlb edirik. Bu qidalardan uzun müddət istifadə etsəz bağırsaq florası, immun sistemi pozulacaq. Bildiyimiz kimi qlüten yalnız ağ un və ağ unla hazırlanan qidaların tərkibində var. Sağlam qalmaq üçün təmizlənməmiş buğdadan hazırlanan çörəklərdən istifadə etmək lazımdır”.
Ekspert bildirib ki, Rusiyaya səfəri zamanı maraqlı hadisə ilə qarşılaşıb. “30 il bundan öncə indiki kimi belə gözəl, dəbdəbəli restoranlar yox idi. Getdiyimiz yerlərdə yemək yeməyə utanırdıq. Rusiyada restoranların birində bizə qara çörək təklif etdilər. Mən dostlarıma bu çörəklə kərə yağı yeyəcəyimi dedim. Çünki bu formada yemək çörəyin füsünkar dadını  üzə çıxardır. Sonra yediyim çörəyin dadı ilə maraqlandım. Çünki çox dadlı olmaqla yanaşı həm də tez doyumludur. Yeni tanışdığım Rus dostlarıma dedimki məni bu çörək bişirilən yerə aparın. Təxmin etdiyim kimi bu çörəyi yulaf, çovdar, arpa, qarğıdalı və kartofdan hazırlandığını gördüm. 
O zamanlar buğdalara genetik müdaxilə edilmirdi. Antalyaya gələn kimi bir dəyirmana getdim.
Dəyirmançıdan qarğıdalı, buğda, arpa, yulaf çovdardan hazırlanan un aldım. Daha sonra qəssabdan da sümük alıb, onları qaynatdım və o qarışımı da una qatıb çörək bişirirdim. Hazırda Hollandiyada olan restoranımda bu çörəyi bişirirəm. Bürksel, Antwerpen'den səhər yeməyinə gələn müştərilərim çox olur. Onlar xüsusi olaraq bu çörəyi yeməyə gəlirlər”.
Son olara ekspert qeyd edib ki, insanlar yemək vərdişlərini dəyişsələr, daha sağlam ola bilərlər. Bu onların öz əllərindədir''

Afaq