“Rəbbim, sənə qonaq göndərirəm...” - Pilotun məzarına qoyulan məktub - FOTO | Eurasia Diary - ednews.net

15 Sentyabr,


“Rəbbim, sənə qonaq göndərirəm...” - Pilotun məzarına qoyulan məktub - FOTO

Maraqlı A- A A+

MiQ-29 hərbi təyyarəsi ilə qəzaya düşərək həlak olan pilot Rəşad Atakişiyevin məzarı üstünə kimin tərəfindən yazıldığı bilinməyən məktub qoyulub. Eurasia Diary azvision.az-a istinadən xəbər verir ki, məktubun müəllifi bir xanım olsa da, həmin şəxs mərhum pilot barədə qələmə aldığı namədə öz adını qeyd etməyib.

Məktubda deyilir: "Allahın salamı, rəhməti olsun müqəddəs ruhuna şəhidim! Mən səni qəzaya düşməmişdən qabaq tanıyanlardan biriyəm. Sağ-salamat tapılıb ailənə qovuşman üçün Allaha dualara edən, hər gün nəzirlər deyən bacın idim. Şəhid olduğun xəbəri aldığım anda bircə kəlmə deyə bildim göz yaşlarım içində: Rəbbim, şəhid Rəşad Atakişiyevi sənə qonaq göndərirəm...".

Xatırladaq ki, iyulun 24-də saat 22.00 radələrində plana uyğun olaraq gecə vaxtı təlim-məşq uçuşları keçirən Hərbi Hava Qüvvələrinin MiQ-29 təyyarəsi ilə qəflətən rabitə əlaqəsi kəsilib və aviasiya vasitəsi radarlardan itib. Təyyarə Xəzər dənizinə düşüb. Qəza nəticəsində təyyarənin pilotu, polkovnik-leytenant Rəşad Atakişiyev həlak olub. 34 yaşında dünyasını dəyişən hərbi pilotun nəşi avqustun 21-də torpağa tapşırılıb.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...