Sonuncu mogikan - İstəmirəm ki, məni yarıölü biri kimi yola salsınlar | Eurasia Diary - ednews.net

6 May, Cümə axşamı


Sonuncu mogikan - İstəmirəm ki, məni yarıölü biri kimi yola salsınlar

Maraqlı A- A A+

Almaniya Federativ Respublikasının Federal Kansleri Angela Merkel ötən gün beynəlxalq sənaye sərgisinin açılışı zamanı nitqinin kansler postunda son çıxışı olduğunu elan etdi. O yaxın zamanlarda postunu tərk edəcəyini bildirdi.

“Siyasətdən getmək üçün nə vaxtsa doğru yolu tapmaq istəyirəm. Amma bu, təsəvvür etdiyimdən daha çətin imiş. İstəmirəm ki, məni yarıölü biri kimi yola salsınlar”. Bu sözləri o, 1998-ci ildə bir müsahibəsində demişdi.

Merkel, Britaniyanın dəmir ledisi Marqaret Teççerdən sonra dünya siyasətində indiyədək ən güclü qadın siyasətçi sayıla bilər. 2004-2017-ci illər aralığında 12 dəfə “dünyanın ən nüfuzlu qadını” tituluna layiq görülən, 2006, 2007-ci illərdə dünyanın 100 ən nüfuzlu şəxsi siyahısında yer alan, 2015-ci ildə ilin adamı seçilən Merkel Almaniya tarixinin ən görkəmli üç siyasətçisindən biridir. Əgər Otto fon Bismark parçalanmış Almaniyanı vahid  dövlət halında birləşdirib, Konrad Adenauer İkinci Dünya müharibəsindən sonra dağılmış Almaniyanı dirçəltmişsə, Merkel də Almaniyanı Avropanın mərkəzinə çevirməyi bacarıb. 

Angela Merkel: Trump shares blame for US Capitol storming | News | DW |  07.01.2021

Almaniya Kansleri Angela Merkel eyni zamanda Xristian Demokrat İttifaqının lideridir. O, hər iki vəzifəni tutan ilk qadındır. Fiziki kimya ixtisası üzrə doktorant təhsili qazanan Merkel 1989-cu il inqilabının başladığı vaxtlarda siyasətə daxil olub. 36 yaşında ikən keçmiş kansler Helmut Kolun formalaşdırdığı Nazirlər Kabinetinin ən gənc naziri təyin edilib. 2005-ci il federal seçkilərində Merkel, Almaniyanın ilk qadın Federal Kansleri təyin edilib. İxtisasca fizik olan Merkel dəqiq elmlər üzrə ixtisaslaşan ilk dövlət başçısıdır. Diplomatik dairələrdə isə Merkeli "odda yanmaz, suda batmaz" adlandırırlar. Çünki o, istənilən vəziyyətdən çıxa bilir.

Angela Merkel Has Lost Her Pandemic Touch - WSJ

Attribute 1: Character – Angela Merkel Leading Through COVID with a Strong  Sense of Self « If You Will Lead – Enduring Wisdom for Those Who Choose to  Lead

Praqmatik xarakterinə alman soyuqqanlılığını əlavə etsək, Merkel kənardan soyuq adam təsir bağışlayır. Lakin onun əslində gülərüz biri olduğunu deyirlər. Merkel kosmetikadan, demək olar ki, istifadə etmir, qarderobu əsasən eyni stil pencək və şalvarlardan ibarətdir. O, heç vaxt bilərzik, üzük, sırğa taxmır. Klassik musiqiyə üstünlük verən xanım kansler operanı çox sevir.

Farewell, Angela Merkel - The Media Line

Frau Merkel əsl futbol azarkeşidir. Bu ona kişi siyasətçilərlə kontakt qurmaqda çox kömək edir. Ona edilən 150 avrodan baha olan bütün hədiyyələri parlamentə təhvil verir. Onun nə yaxtaları, nə dəbdəbəli sarayları, nə də şəxsi modelyerləri var. Angela Merkelin heç şəxsi mənzili də yoxdur. Hazırda Berlinin mərkəzində kirayə tutduğu mənzildə yaşayır.

Bring home the bacon,' Merkel tells voters on eve of elections | The Times  of Israel

The Coronavirus Pandemic Tells a Tale of Trump, Macron, and Merkel

Ukraine-Russia Crimea Crisis Dooms G8, Fears Germany's Angela Merkel | Time

Eurasia Diary

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...