Kembric şəhərində daban sümüyünə iki düyümlük mismar vurulmuş romalı qulun qalıqları tapılıb.
EDNews.net xəbər verir ki, çarmıxa çəkilmənin ilk sübutu kimi qəbul edilən cəsədin eramızın 130-337-ci illəri arasında basdırıldığı ehtimal olunur.
Cansız cəsədin arxasında çürük ağac parçaları tapılıb. Skeletin ayaqlarındakı xəsarətlər və zəncir izləri onun qul olduğuna işarə edir.
Araşdırmalar zamanı bəzi dəhşətli faktlar da üzə çıxıb. Məlum olub ki, meyitin dabanındakı mismarlar onun bədənini dəstəkləmək üçün deyil, hərəkət etməsini dayandırmaq üçün vurulub. Yəni mismarlar ayağına vurulanda insan hələ də sağ olub.
